روزا رىمبايەۆا بارلىق تۋىستارىنا الماتىدان پاتەر الىپ بەرگەن

استانا. قازاقپارات - ءالي وقاپوۆ «ۆرەميا» گازەتىنىڭ ءتىلشىسى وكسانا ۆاسيلەنكوعا بەرگەن سۇحباتىندا ءوز وتباسى جايىندا ايتىپ بەردى.

ونىڭ ايتۋىنشا، قازاقستاننىڭ حالىق ءارتىسى روزا رىمبايەۆا دەمالىسسىز جۇمىس ىستەيدى ءارى بارلىق جاقىندارىنا كومەكتەسەدى ەكەن.

«مىناۋ 8 وتباسى. انام ونىڭ ءبارىن الماتىعا كوشىرىپ اكەپ، باسپانا مەن كولىك الىپ بەردى. جۇمىسقا ورنالاستىرىپ، وقۋعا ءتۇسىردى، ۇيلەندىردى. ول تەك تۋىستارىنا عانا ەمەس، كومەك سۇراعان تانىستارىنا دا قول ۇشىن بەرەدى»، - دەيدى ءالي اناسىنىڭ مەيىرىمدىلىگى جايىندا.

ءالي شىعارماشىلىعى ءۇشىن اقشانىڭ جەتپەيتىنىن ايتادى.

«رەسپۋبليكا سارايىندا جەكە كونسەرت وتكىزۋگە قاراجات جەتپەيدى. اقشام بولسا، بىرنەشە بەينەبايان ءتۇسىرىپ، البومدار شىعارىپ، ەل ارالاپ گاسترولدىك ساپاردا جۇرەتىن ەدىم»، - دەيدى ءالي.

وقاپوۆتىڭ ءىنىسىنىڭ تاعدىرى الاڭداتادى. ول قاجەتتى ماماندىق السا ەكەن دەيدى.

«ءمادي 16 جاستا. ول ساحناعا شىققىسى كەلەدى. بىردەڭە دالەلدەگىسى كەلىپ، تالپىنىپ ءجۇر. ءبىراق مەن ونىڭ ءتىل مامانى بولۋىن نەمەسە حالىقارالىق قاتىناس ماماندىعىن العانىن بولماسا زاڭگەر بولعانىن قالايمىن. ونىڭ تاعدىرىنا الاڭدايمىن. دالادا قالماسا ەكەن، جاعدايى جاقسى بولسا ەكەن دەيمىن. انام ساحنادا ءومىر بويى ءجۇرىپ، ونى ءومىر بويى اسىراي المايدى. مەنىڭ دە جاعدايىم وزگەلەر ويلاعانداي كەرەمەت ەمەس»، - دەيدى ءالي وقاپوۆ.

ءانشى ءوزىن ءوزى قامتاماسىز ەتەتىنىن، الايدا جايباراقات جۇرەتىندە جاعدايدا ەمەستىگىن، ءتىپتى دەمالىسقا كەتۋگە دە قالتاسى كوتەرمەيتىنىن ايتادى.