استانادا سوتتالىپ شىققانداردى ەلورداعا كىرگىزبەۋ ۇسىنىلدى
«ءبىزدىڭ ويىمىزشا، باس پروكۋراتۋراداعىلارعا، ءى ءى م وكىلدەرىنە جانە دەنساۋلىق ساقتاۋ جانە الەۋمەتتىك دامۋ مينيسترلىگىندەگىلەرگە 1 -قاڭتار مەن 2017 -جىلدىڭ 1 -قازانىنا دەيىنگى ارالىقتا استانا قالاسىنا تۇرمەدەن كەلگەن سوتتالعانداردى كىرگىزبەۋ ماسەلەسىن قاراستىرۋ قاجەت»، - دەدى ول EXPO-2017 كورمەسىنە دايىندىق بويىنشا وتىرىستا.
«سوتتالعاندار مەن اسا قاۋىپتى قىلمىسكەرلەردىڭ بارلىعى استانا قالاسىنا كەلەدى. ولاردىڭ ومىرگە دەگەن كوزقاراسى مەن پسيحولوگياسىن ەسكەرە وتىرىپ، ولاردىڭ قايتا قىلمىس جاساۋى مۇمكىن ەكەنىن ايتۋعا ابدەن بولادى»، - دەدى لۋكين.
سونىمەن قاتار، استانا بيلىگىندەگىلەر شەتەلدەن كەلگەن جۇمىس كۇشتەرىنە قاتىستى زاڭنامانى قاتاڭ تارتىپكە الۋدىڭ ماڭىزدىلىعىن ايتىپ ءوتتى. «قازىرگى ۋاقىتتا EXPO، ءابۋ-دابي-پلازا قۇرىلىس كەشەندەرىندە پاكىستان، سيريا، يراك ازاماتتارى جۇمىس ىستەپ جاتىر. شەتەل ازاماتتارىن جۇمىسقا تارتۋ ەلىمىزدە ءتۇرلى تەرروريستىك توپتاردىڭ قۇرىلۋىنا جانە تەراكتىلەرگە اكەپ سوعادى»، - دەدى اكىمنىڭ ورىنباسارى.
ونىڭ ايتۋىنشا، EXPO-2017 كورمەسى كەزىندە قالانى قاۋىپسىزدىكپەن قامتاماسىز ەتۋ ءۇشىن 7,5 مىڭ ادامدى جۇمىلدىرۋ جوسپارلانىپ وتىر. ولاردىڭ ىشىندە ىشكى ىستەر ورگاندارىنان بەس مىڭنان اسا ادام، قورعانىس مينيسترلىگىندەگى 1,5 مىڭ اسكەري قىزمەتكەر مەن جەكەشەلەگەن كۇزەت ۇيىمدارىنىڭ 600 جۇمىسشىسى بار.
سونداي- اق، استانادا 2,5 مىڭنان اسا بەينەباقىلاۋ كامەراسىنىڭ ورناتىلاتىنى ايتىلدى.
