بالا اسىراپ الۋشى وتباسىلار فورۋمى وتەدى

استانا. قازاقپارات - 29 -قازان كۇنى «اسىراپ الۋشى وتباسى -  اتا- انا قامقورلىعىنسىز قالعان بالالاردى الەۋمەتتەندىرۋ ينستيتۋتى» دەپ اتالاتىن جىل سايىنعى فورۋم باستالادى، دەپ حابارلايدى egemen.kz استانا قالاسى اكىمدىگىنىڭ رەسمي سايتىنا سىلتەمە جاساپ.

فورۋم جۇمىسىنا حالىقارالىق جانە وتاندىق ساراپشىلار، اسىراپ الۋشى اتا-انالار مەن تالىمگەرلەر قاتىسادى. شاقىرىلعان حالىقارالىق ساراپشىلار قاتارىندا رەسەي مەن ۋكراينا وكىلدەرى بار.

شارانى استانا قالاسىنىڭ اكىمدىگى، «بالا جانۇيادا ءومىر ءسۇرۋى ءتيىس» قوعامدىق قوزعالىسى، «دارا» قايىرىمدىلىق قورى، اسىراپ الۋشى اتا- انالارىنىڭ بىرلەستىگى جانە ق ر ب ع م بالا قۇقىقتارىن قورعاۋ جونىندەگى كوميتەتى ۇيىمداستىرادى. فورۋمعا قاتىسۋشىلار اسىراپ الۋشى وتباسىلاردىڭ سيپاتى مەن ايىرماشىلىعى، كاسىبي ىرىكتەۋ قىزمەتىن قۇرۋ، اسىراپ الۋشى اتا-انالاردى وقىتۋ، ولارعا قولداۋ كورسەتۋ سەكىلدى ماسەلەلەردى تالقىلايدى.