16:26, 27 - قازان 2016 | GMT +5
پودوبەدوۆا، چينشانلو جانە مانەزا وليمپياداداعى التىن مەدالدارىنان ايىرىلدى
الماتى. قازاقپارات - سۆەتلانا پودوبەدوۆا، ءزۇلفيا چينشانلو جانە مايا مانەزا وليمپيادا مەدالدارىنان ايىرىلدى، - دەپ حابارلايدى Tengrinews.kz ءتىلشىسى حالىقارالىق وليمپيادا كوميتەتىنىڭ (ح و ك) رەسمي سايتىنا سىلتەمە جاساپ.
ولار لوندون وليمپياداسىندا ءوز سالماق دارەجەسىندە التىن مەدال جەڭىپ العان بولاتىن. جاقىن ارادا پودوبەدوۆا، چينشانلو جانە مانەزا التىن مەدالداردى قايتارۋى ءتيىس. ولاردىڭ قاتىسقان جارىستارى قايتا قارالاتىن بولدى.
ح و ك پودوبەدوۆا، چينشانلو جانە مانەزادان دوپينگ سىنامالارىنىڭ انىقتالعانىنان كەيىن وسىنداي شەشىم شىعارعان. رۇقسات ەتىلمەگەن زاتتار قايتا تەكسەرىلۋدەن كەيىن انىقتالعان، ح و ك WADA- مەن بىرگە بۇل تەكسەرىستەردى وسى جىلدىڭ باسىنان باستاپ وتكىزىپ كەلەدى.
وسىعان دەيىن ح و ك وليمپيادا-2008 ويىندارىنىڭ كۇمىس جۇلدەگەرى تايمۋراز تيگەۆتىڭ مەدالىن قايتارىپ العان بولاتىن.
