16:15, 27 - قازان 2016 | GMT +5
ايان گاليەۆتىڭ ايەلى كۇلەكبايەۆتىڭ «ءدىنىن» ءتۇپ تامىرىمەن جويۋدى ۇسىندى
الماتى. قازاقپارات - 18 -شىلدە كۇنى كۇلەكبايەۆ الماتىدا تەررورلىق اكت ۇيىمداستىرعاندا ونى جارالاپ، توقتاتقان پوليتسيا قىزمەتكەرى ايان گاليەۆتىڭ ايەلى كۇلەكبايەۆتىڭ ءوزىنىڭ ۇستازى بار ەكەنىن ايتقانىن، بۇل "ءىلىمدى" ءتۇپ تامىرىمەن قۇرتۋ قاجەتتىگىن ايتتى، دەپ حابارلايدى سوت زالىنان قازاقپارات ءتىلشىسى.
«گاليەۆ ايان جۇمىس- جۇمىس دەپ وتباسىن قۇرا الماي 8 جىل جۇردىك. پاتەر جالداپ جۇردىك. كوپ كۇتكەن ۇلىمىز بىلتىر 2015 -جىلى قاراشادا تۋعان، اكەسى ولگەندە 8 ايدا ەدى. كۇندە جەتى جارىمدا اكەسى كەلەدى دەپ كۇتەمىز. كۇلەكبايەۆقا ءولىم جازاسى بەرىلۋىن سۇرايمىز. وعان ءبىزدىڭ كوزىمىز جەتسىن ولگەنىنە. ول ۇستازى بار ەكەنىن ايتقان. ونىڭ ۇستانىمىن ءتۇپ تامىرىمەن قۇرتۋىمىز كەرەك. بولاشاعىمىز نە بولادى؟»، - دەدى ايان گاليەۆتىڭ ايەلى.
ەسكە سالا كەتەيىك، بۇگىن الماتىداعى لا 155/18 تەرگەۋ اباقتىسىندا اشىق سوت تالقىلاۋىنىڭ ءتورتىنشى كۇنىندە جارىس ءسوز ءوتىپ جاتىر.
