باۋىرجان بايبەك: «الماتى ارەنا» الەمدىك ءىرى ستاديوندار انالوگى بولۋى كەرەك
دەپ حابارلايدى قازاقپارات ءتىلشىسى.
بۇگىن الماتىدا ۋنيۆەرسياداعا دايىندىق جونىندە ۆيتسە- پرەمەر يمانعالي تاسماعامبەتوۆتىڭ قاتىسۋىمەن وتكەن جيىندا الماتى اكىمى باۋىرجان بايبەك قازىرگى ۋاقىتتا دۇنيەجۇزىلىك سپورت شاراسىنان كەيىنگى عيماراتتاردى پايدالانۋ ماسەلەسى دە باستى نازاردا ەكەنىن ايتتى.
«الماتى ارەنا» لوندونداعى «O2 Arena»، نيۋ- يوركتاعى «Yankee»، ماسكەۋدەگى «وليمپيسكي» ستاديوندارى سەكىلدى اۋقىمدى ءىس- شارالار وتكىزەتىن ورىنعا اينالۋى كەرەك. اتالعان سپورت كەشەنىندە قازاقستاندا العاشقى كونسەرت جانە دىبىس قۇرىلعىلارى ورناتىلعان، - دەدى باۋىرجان بايبەك.
قالا باسشىسى الماتى قالاسىنىڭ 1000 جىلدىعىن اتاپ وتكەننەن كەيىن اتالعان عيماراتتا وزگە دە ءبىرقاتار شارالار وتكەنىن ايتا كەتتى.
«10 مىڭ ادام جينالعان «MuzZone» سىيلىعىن تابىس ەتۋ شاراسى ءوتتى. الداعى سەنبىدە قانات يسلام مەن پاتريك اللوتەيدىڭ جەكپە- جەگى وتەدى، ول سپورت كەشىنە 10,5 مىڭ بيلەت ساتىلعان»، - دەدى اكىم.
