15:17, 27 - قازان 2016 | GMT +5
شىمكەنتتەگى مۇڭكىگەن ءيىس قايدان تاراعانى بەلگىلى بولدى
استانا. قازاقپارات - جاعىمسىز ءيىس «پەتروكازاحستان ويل پروداكس» ج ش س- نان تاراعان بولىپ شىقتى، دەپ حابارلايدى «قازاقپارات» ح ا ا ءتىلشىسى.
اۋا سىنامالارىنىڭ ناتيجەلەرى بەلگىلى بولدى. «قازگيدرومەت» ر م ك و ق و بويىنشا فيليالىنىڭ ماماندارى كوشپەلى زەرتحانادا ولشەۋ اپپاراتۋراسىمەن اتموسفەرالىق اۋانىڭ لاستانۋىنا مونيتورينگ جۇرگىزدى. جاعىمسىز ءيىستىڭ سەبەپكەرى «پەتروكازاحستان ويل پروداكس» ج ش س ەكەنى انىقتالدى.
«ەكى نۇكتەدەن جۇرگىزىلگەن تەكسەرىس: س ق ز ءيىس كوزىنەن 500 م اراقاشىقتىقتا جانە قاراباستاۋ اۋىلىنىڭ تۇرعىن الابى، قامبار ۇلى كوشەسىندە كۇكىرت ديوكسيدىنىڭ شەكتى رۇقسات ەتىلگەن كونسەنتراتسياسى بايقالدى» دەپ مالىمدەدى و ق و ت ج د.
ەسكە سالايىق، جاقىندا شىمكەنت تۇرعىندارى قالانىڭ بىرنەشە اۋدانىنان قولقانى قاباتىن وتكىر ءيىس سەزگەن بولاتىن. الايدا قۇتقارۋشى بريگادالار گازدىڭ اقاۋىن تاپپادى.
