قازاقستاندىق كومپانيا ۇلانباتىرداعى ساۋدا ميسسياسىنا قاتىستى
دەپ حابارلايدى بەيجىڭدەگى قازاقپارات ءتىلشىسى.
شارانى ق ر ينۆەستيتسيالار جانە دامۋ مينيسترلىگىنىڭ «KAZNEX INVEST » ەكسپورت جانە ينۆەستيتسيالار جونىندەگى ۇلتتىق اگەنتتىگى» ا ق جانە موڭعوليا ۇلتتىق ساۋدا- ونەركاسىپتىك پالاتاسى موڭعولياداعى ق ر ەلشىلىگىنىڭ قولداۋىمەن ۇيىمداستىردى.
«ءبىز بۇل شارانى ەكى ەل اراسىنداعى ىنتىماقتاستىقتى B2B فورماتىندا (business-to-business - رەد. اۆت. ) دامىتۋدىڭ ءتيىمدى مەحانيزمى رەتىندە قاراستىرۋدامىز. نەگىزگى ماقسات - ەكى ەلدىڭ شاعىن جانە ورتا بيزنەس وكىلدەرى اراسىندا تىعىز ىسكەرلىك بايلانىستار ورناتۋ جانە ەكسپورتتالاتىن قازاقستاندىق ونىمدەردى موڭعوليا نارىقتارىندا جۇزەگە اسىرۋ مۇمكىندىكتەرىن ىزدەۋ»، - دەدى موڭعولياداعى قازاقستان ەلشىسى قالىبەك قوبلاندين قازاقپارات تىلشىسىمەن سۇحباتتا.
ونىڭ ايتۋىنشا، ساۋدا ميسسياسى الاڭدارىندا قازاقستاندىق كاسىپكەرلەر موڭعوليا مەملەكەتتىك ورگاندارى وكىلدەرىمەن كەزدەسۋ وتكىزدى جانە ەكى ەل اراسىنداعى ساۋدا- ەكونوميكالىق جانە ينۆەستيتسيالىق ىنتىماقتاستىقتىڭ كەڭەيتۋ مۇمكىندىكتەرىن تالقىلادى.
