قانات بوزىمبايەۆ جىل سوڭىنا دەيىن قاشاعاندا قانشا مۇناي وندىرىلەتىنىن جاريالادى

استانا. قازاقپارات - جىل سوڭىنا دەيىن قاشاعاندا ءبىر ميلليون توننا مۇناي وندىرىلەدى. بۇل تۋرالى بۇگىن پارلامەنت سەناتىندا تىلشىلەرگە بەرگەن سۇحباتىندا ق ر ەنەرگەتيكا ءمينيسترى قانات بوزىمبايەۆ ءمالىم ەتتى،

دەپ حابارلايدى قازاقپارات.

«قاشاعاندى ىسكە قوسۋ 23 - قازانعا جوسپارلانعان ەدى. الايدا، كەن ورنىنان العاشقى ەكسپورتتىق مۇناي قازاننىڭ ءبىرىنشى جارتىسىندا جىبەرىلە باستادى. ارينە، قازىرگى كەزدە رەتكە كەلتىرۋ جۇمىستارى اتقارىلۋدا. جالپى، مۇناي تۇراقتى تۇردە قۇبىر جۇيەسىنە باعىتتالىپ جاتىر. تەحنيكالىق كەمشىلىكتەر بار، ياعني بۇنداي جاعدايلار وسىنداي ءىرى كەن ورىندارى ىسكە قوسىلعان كەزدە بولاتىنى تۇسىنىكتى. دەگەنمەن، ۇلكەن پروبلەمالاردى بايقاپ وتىرعانىمىز جوق»، - بوزىمبايەۆ.

ءمينيستردىڭ سوزىنە قاراعاندا، قازىرگى كەزدە قاشاعاندا 120 مىڭ توننادان استام مۇناي وندىرىلگەن. سونىمەن قاتار گاز دا «قازترانس گاز» قۇبىرلارىنا جىبەرىلدى. «قازترانسويل» ا ق جانە كاسپيلىك قۇبىر كونسورتسيۋمى (ك ق ك) ارقىلى ەكسپورتتىق وپەراتسيالار ىسكە اسىرىلۋدا.

«جىلدىڭ سوڭىنا دەيىن تەك قاشاعاننان ەڭ از دەگەندە ورتاشا ەسەپپەن 500 مىڭ توننا، ال ەگەر رەتكە كەلتىرۋ جۇمىستارى ويداعىداي بولسا، وندا 1 ميلليون توننا مۇناي ءوندىرۋ جوسپاردا بار. جالپى، ءبىرىنشى كەزەڭدە بۇل جاقسى كورسەتكىش بولىپ سانالادى»، - دەدى ول.

ەستەرىڭىزگە سالا كەتەيىك، 14 - قازاندا ەنەرگەتيكا مينيسترلىگى قاشاعاننان العاشقى مۇناي پارتياسى ەكسپورتقا جىبەرىلگەنىن حابارلاعان بولاتىن. سول كەزدە كاسپيلىك قۇبىر كونسورسيۋمى (ك ق ك) ىسكە قوسۋ- باپتاۋ شەڭبەرىندە جۇرگىزىلگەن جۇمىستار كەزىندە قاشاعان كەن ورنىنان شامامەن  7700 توننا ەكسپورتقا شىعارىلاتىن مۇنايدىڭ ءبىرىنشى پارتياسى جونەلتىلگەنى ايتىلدى. سونىمەن قاتار «قازترانس ويل» ا ق قۇبىرلىق جۇيەسىنە  18800 توننا ەكسپورتقا شىعارىلاتىن مۇنايدىڭ پارتياسى جونەلتىلدى، ال «ينتەر گاز  سەنتر النايا ازيا» ا ق ماگيسترالدى جۇيەسىنە 22,8 ميلليون تەكشە مەتر تاۋارلىق گاز بەرىلدى.

2016 -جىلدىڭ 28 - قىركۇيەگىندە سولتۇستىك كاسپي كونسورسيۋمى تەڭىزدەگى جانە جەرءۇستى كەشەنىندەگى جابدىقتاردى تەستىلەۋ جانە ىسكە قوسۋ- باپتاۋ جۇمىستارىنا كىرىستى.

«ا» ارالىنىڭ بىرنەشە ۇڭعىمالارى اشىلدى. تەڭىز كەشەنى جابدىعىنىڭ جۇمىسىن تۇراقتاندىرعان سوڭ، مۇناي جانە گاز «بولاشاق» زاۋىتىنا كەلىپ ءتۇستى.

قازىرگى ۋاقىتتا تەڭىزدەگى جانە جەرۇستى كەشەنىندەگى جابدىقتاردى ىسكە قوسۋ- باپتاۋ، باقىلاۋ- ولشەۋ اسپاپتارىن جانە تەحنولوگيالىق پروتسەستەردى باسقارۋدىڭ اۆتوماتتى جۇيەلەرىن تەستىلەۋ جالعاستىرىلۋدا. تۇراقتى جۇمىس رەجيمىنە شىعۋ ءبىرشاما ۋاقىتتى قاجەت ەتەدى.

اۆتور: رۋسلان عابباسوۆ