10:33, 27 - قازان 2016 | GMT +5
استانادا انتيتەررورلىق وقۋ-جاتتىعۋ ءوتىپ جاتىر
استانا. قازاقپارات - بۇگىن ەلورادادا لاڭكەستىكتىڭ جولىن كەسۋ جانە سالدارىن جويۋ بويىنشا قالالىق جەدەل شتابتىڭ انتيتەررورلىق وقۋ-جاتتىعۋى ءوتىپ جاتىر، دەپ حابارلايدى Baq.kz.
شارانىڭ ماقساتى - ەلوردالىق تەرروريزممەن كۇرەس جونىندەگى جەدەل شتابتىڭ جۇكتەلگەن مىندەتتەردى ورىنداۋدا كۇشتەر مەن قۇرالداردىڭ دايىندىعىن تەكسەرۋ. جوسپارلى انتيتەررورلىق جاتتىعۋ ءتۇرلى كۇردەلى ەلەمەنتتەرى بار جاۋىنگەرلىك جاعدايعا بارىنشا بەيىمدەلگەن.
«وسىعان بايلانىستى قالا تۇرعىندارى مەن قوناقتارىنان اتالعان جاعدايعا تۇسىنىستىكپەن قاراپ، سابىرلىق ساقتاۋدى، بوسقا دۇرلىكپەۋدى سۇرايمىز»، - دەلىنگەن ەلوردالىق ءى ءى د باسپا ءسوز قىزمەتىنىڭ حابارلاماسىندا.
