شىمكەنتتىك قازاق دارىگەرى مەديتسينانى دامىتۋعا قوسقان ۇلەسى ءۇشىن التىن مەدالمەن ماراپاتتالدى
مەديتسينانى دامىتۋعا قوسقان ۇلەسى ءۇشىن ءمادي بەگاليەۆكە سىزعانوۆ اتىنداعى حيرۋرگيا ۇلتتىق عىلىمي ورتالىعىنىڭ التىن مەدالىن و ق و دەنساۋلىق ساقتاۋ باسقارماسىنىڭ باسشىسى سەيتجامال پاكەيەۆ تاپسىردى.
«بۇل ناگرادانى دارىگەرلەردىڭ جاڭا جەتىستىكتەرگە ۇمتىلۋى ءۇشىن ىنتالاندىرۋ رەتىندە بەرەدى. دارىگەر رەتىندە ەڭبەگىمدى جوعارى باعالاۋى مەن ءۇشىن وتە ماڭىزدى»، - دەدى ءمادي بەگاليەۆ.
حيرۋرگيا ۇلتتىق عىلىمي ورتالىعىنىڭ التىن مەدالىمەن دارىگەرلەردى 2013-جىلدىڭ ناۋرىزىنان بەرى ماراپاتتاپ كەلەدى. ازىرگە ەلىمىزدە بۇل ماراپاتتىڭ ەكى يەگەرى عانا بار. سولاردىڭ ءبىرى - شىمكەنتتىك حيرۋرگ بەگاليەۆ. ءمادي بەگاليەۆتىڭ وتا جاساپ كەلە جاتقانىنا 33 جىل بولدى. سوڭعى 6 جىلدا ول شىمكەنتتىك جەدەل جاردەم اۋرۋحاناسىن باسقارىپ وتىر. ول 8 مىڭعا جۋىق كۇردەلى وتا جاسادى. ول وڭىردە ءبىرىنشى بولىپ بۇيرەكتى ترانسپلانتاتسيالاۋ وپەراتسياسىن جاساعان. باۋىردى ترانسپلانتاتسيالاۋ جاۋاپكەرشىلىگىن دە موينىنا العان. باستاپقىدا شەتەلدىك ارىپتەستەرىنىڭ باسشىلىعىمەن جاساسا، بيىل 8 وتانى ءبىزدىڭ ماماندار جاسادى.
