سىبىردەن توتىقۇستاردىڭ بەلگىسىز ءتۇرىن انىقتادى
زەرتتەۋشىلەر ولحون بايكالدىق ارالىندا تاگاي كەن ورنىنداعى قازبا جۇمىستارى كەزىندە سۇيەكتەردى تاپتى. ولاردىڭ جاسى شامامەن 16 دان 18 ميلليون جىلعا باعالاندى. عالىمدار ساۋساق پەن جىلىنشىكتى قوساتىن سۇيەكتەردىڭ سىنىعىن عانا تاپتى.
«وكىنىشكە قاراي، سۇيەكتەر دۇرىس ساقتالماعان. سوندىقتان قازىر ول توتىقۇستىڭ سۇيەگى دەپ قانا ايتا الامىن. ول كىشكەنتاي بولعان. بۇدان ارتىق اقپاراتتى ازىرگە بىلمەيمىز»، - دەدى ر ع ا پالەونتولوگيالىق ينستيتۋت قىزمەتكەرى نيكيتا زەلەنوۆ International Business Times باسىلىمىنا.
وسىعان دەيىن عالىمدار توتىقۇستاردىڭ سۇيەكتەرىن تاپپاعان. سوندىقتان ولار سولتۇستىك ەۋرازيادا مەكەندەمەگەن دەپ ويلاعان. توتىقۇستار اۆستراليادان افريكاعا جانە سولتۇستىك امەريكاعا ۇشقاندا سىبىرگە ءتۇسۋى مۇمكىن. وسىلايشا ولحون ارالى قۇستارعا ارنالعان توقتايتىن ورىن بولۋى مۇمكىن.
