وتىرار اۋدانىندا «باتاگوي قاريا» بايقاۋى ءوتتى
دەپ حابارلايدى اۋدان اكىمدىگىنىڭ باسپا ءسوز قىزمەتى.
قازىنالى قارتتار باتالى ءسوزى مەن دۋالى اڭگىمەسىن ايتىپ، جاستارعا تاعىلىم تۇيگىزدى. شارانىڭ نەگىزگى ماقساتى دا سول قارتتاردىڭ قوعامداعى قادىرىن ارتتىرىپ، جاستاردى ۇلكەندى قۇرمەتتەۋگە ۇيرەتۋ. ونەگەلى جيىننان ءتىلشى اڭگىمەسى. قارتى بار ەل قازىنالى. ارداگەرىن ارداقتاعان ۇلت ۇلى مۇراتىنا جەتەدى. وسىلاي دەگەن وتىرارلىقتار اقىلى تەڭىز، داريا اقساقالدارىنىڭ ونەگەلى تاربيەسى مەن ۇلاعاتتى سوزىنەن ءنار الدى.
ازاتتىقتى دارىپتەپ، تاعىلىمدى تانىتقان شاراعا 13 قاريا قاتىستى. ءبارى دە ءار اۋىلدىڭ ارداق تۇتار ازاماتتارى. ەندى مىنە، ولار بارشا اۋدان جاستارىن ۇلگىلى ىسكە ناسيحاتتاپ وتىر. قازاقتىڭ بايىرعى زاماننان قالىپتاسقان سالتى مەن بۇگىنگى ءداستۇرى دارىپتەلگەن شارادا باتا بەرۋدىڭ دە وزىق ۇلگىسى پاش ەتىلدى. قاريالار اماندىق- ساۋلىق سۇراپ، اتالى ءسوزدىڭ قادىرىنە جەتە ءبىلدى. توپ جارعان اقساقالدارعا ارنايى سىيلىقتار ۇلەستىرىلىپ، قارتتاردىڭ كوڭىلىن ءبىر مارقايتتى.
ايتا كەتەيىك، ايتۋلى شارا - اۋدان كولەمىندە تاۋەلسىزدىك تويى قارساڭىندا قولعا الىنعان 303 يگى ءىستىڭ ءبىرى. «باتاگوي قاريا» بايقاۋى - ءداستۇرلى «باتامەنەن ەل كوگەرەر!» سايىسىنىڭ جالعاسى. دۋالى اۋىز اقساقالدار ارقىلى ازاتتىقتىڭ ايبىنىن اسقاقتاتۋ كوزدەلگەن بۇل ءىس شارا الداعى ۋاقىتتا دا جالعاسىن تاپپاق.
