استانادا ءسان يندۋسترياسىنىڭ ماماندارى باس قوسادى
بايقاۋ 2-6 قاراشا ارالىعىندا استانا قالاسى اكىمدىگىنىڭ قولداۋىمەن بەيبىتشىلىك جانە كەلىسىم سارايىندا وتەدى.
قالا اكىمدىگىنىڭ سايتىنىڭ حابارلاۋىنشا، شاراعا 6 دان 28 جاسقا دەيىنگى الەمنىڭ 30 ەلىنەن 75 قاتىسۋشى جانە 50 قازاقستاندىق دارىن قاتىسادى. سۇلۋلىق، مودەلدەر مەن ديزاينەرلەر اراسىنداعى بايقاۋلاردىڭ جەڭىمپازدارى ءوزارا سايىسقا تۇسەدى.
«ەلورداداعى فەستيۆال - بارلىق شارالاردىڭ قورىتىندىسى. باس جۇلدە - جوبانىڭ ارىپتەسى، تانىمال كۋتيۋرە پەر كاردەن ۇيىمداستىراتىن پاريجدەگى ءسان دارىندارىنىڭ فەستيۆالىنە قاتىسۋعا 4 سەرتيفيكات، سونداي-اق، ماسكەۋدەگى ءسان اپتالىعىنا دا سەرتيفيكاتتار بار، ال قازاقستان سۋرەتشىلەر وداعى ءوز نوميناتسيالارىن ازىرلەۋدە»، - دەدى INKARSEZIM corporation پرەزيدەنتى گۇلنار ءجۇنىسوۆا.
World Beauty سۇلۋلىق جانە ءسان بايقاۋىنىڭ نەگىزى 2006-جىلى امەريكادا قالانعان. الەمدىك گراند- فينالدارى ا ق ش- تا، يتاليادا، فرانسيادا، كورەيادا، ال وتكەن جىلى ۆەتنامدا ۇيىمداستىرىلعان. استانادا فەستيۆال اياسىندا سۇلۋلىق پەن دارىن (قىزدار مەن جىگىتتەردىڭ اراسىندا) بايقاۋى، سانبيكەلەر، مودەلدەر، ديزاينەرلەر جانە ۆيزاجيستەر كونكۋرستارىن وتكىزۋ جوسپارلانعان.
