ءبىرقاتار ءسۇت ونىمدەرىنەن ىشەك تاياقشالارى تابىلدى

استانا. قازاقپارات - قازاقستان رەسپۋبليكاسى تۇتىنۋشىلاردىڭ قۇقىقتارىن قورعاۋ كوميتەتى ءبىرقاتار ءسۇت ونىمدەرىنەن ىشەك تاياقشالارى مەن اشىتقىلار تابىلعانىن جاريالادى.

«الەكسەيەۆسكي مولوچنوكونسەرۆنىي كومبيناتى» ج ا ق (ر ف، بەلگورود وبلىسى، الەكسەيەۆكا قالاسى) وندىرگەن قانت قوسىلعان «الەكسەيەۆسكوە» قويۋلاتىلعان ءسۇت ونىمىندە جانە «سادوۆوە» ءسۇت كاسىپورنىنىڭ (اقمولا وبلىسى، سادوۆوە اۋىلى) «بارسكيە پرودۋكتى» سۇتىندە ىشەك تاياقشاسى توبىنىڭ باكتەريالارى انىقتالدى، ال كاراگاچ ءسۇت زاۋىتى (ر ف، كاباردين- بالكار رەسپۋبليكاسى كاراگاچ اۋىلى) وندىرگەن «دوميك نا حۋتورە» قايماعى ءونىمنىڭ تاڭبالانۋىندا كورسەتىلگەن جازىلعان مايلىلىعىنا سايكەس كەلمەدى، بۇل تۇتىنۋشىلاردى الداۋ بولىپ تابىلادى.

تەحنيكالىق رەگلامەنتتەر تالاپتارى بۇزىلۋىنىڭ انىقتالۋ فاكتىلەرى بويىنشا كوميتەت ساۋدا سۋبەكتىلەرىنە قاتىستى ءىس-شارالار، ونىڭ ىشىندە قاۋىپتى ءونىمدى الىپ قويۋ بويىنشا ءىس- شارالار جۇرگىزۋدە. اتالعان سايكەس كەلمەيتىن قاۋىپتى ءونىم جونىندە «اتامەكەن» ۇلتتىق كاسىپكەرلەر پالاتاسىنا حابارلاندى، وندىرۋشىلەرگە قاۋىپتى ءونىمدى وتكىزۋگە جول بەرمەۋ جانە بۇزۋشىلىقتاردى جويۋ تۋرالى حابارلاما بەرىلدى»، - دەپ جازىلعان باسپا ءسوز حابارلاماسىندا.