21:16, 26 - قازان 2016 | GMT +5
ساعىنتايەۆ پەن مەدۆەدەۆ ەكىجاقتى ىنتىماقتاستىعىنىڭ مۇمكىندىكتەرىن تالقىلادى
ماسكەۋ. قازاقپارات - قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ جۇمىس ساپارىمەن رەسەي فەدەراتسياسىنا كەلىپ، ر ف ۇكىمەتىنىڭ ءتوراعاسى دميتري مەدۆەدەۆپەن كەزدەستى، دەپ حابارلادى قازاقپارات.
ق ر پرەمەر-ءمينيسترىنىڭ باسپا ءسوز قىزمەتىنىڭ اقپاراتىنشا، كەزدەسۋدە ەكى جاقتى ىنتىماقتاستىق ماسەلەلەرى تالقىلاندى. تاراپتاردىڭ نازارى ونەركاسىپ، ەنەرگەتيكا، ساۋدا جانە ەكونوميكا، كولىك جانە ت. ب. سالالارعا نازار اۋدارىلدى.
سونىمەن قاتار، كەزدەسۋ اياسىندا ق ر پرەمەر-ءمينيسترى ءوزىنىڭ ارىپتەسىمەن الدا وتەتىن ەۋرازيالىق ۇكىمەتارالىق كەڭەس جانە ت م د ۇكىمەت باسشىلارى كەڭەسى وتىرىستارىنىڭ جايىن تالقىلادى.
كەزدەسۋ قورىتىندىسى بويىنشا تاراپتار ەكى جاقتى ىنتىماقتاستىقتى دامىتۋعا دايىن ەكەنىن ءبىلدىردى.
ەسكە سالا كەتەيىك، 27-28 -قازاندا مينسك قالاسىندا ەۋرازيالىق ۇكىمەتارالىق كەڭەس جانە ت م د ۇكىمەت باسشىلارى كەڭەسى وتىرىستارى وتەدى، وعان ق ر پرەمەر-ءمينيسترى باقىتجان ساعىنتايەۆ قاتىسادى.
