استانادا جۋرناليستەر ءۇشىن ءتىل مادەنيەتىن جەتىلدىرۋگە ارنالعان سەمينار وتەدى
بۇل تۋرالى تىلدەردى دامىتۋ جانە قوعامدىق- ساياسي جۇمىس كوميتەتىنەن حابارلادى.
كەز كەلگەن ەلدىڭ ساياسي- ەكونوميكالىق، الەۋمەتتىك- مادەني دامۋىن ناسيحاتتاۋداعى بۇقارالىق اقپارات قۇرالدارىنىڭ ەرەكشە ورىن الاتىنى بەلگىلى. قازاق ءتىلىنىڭ مەملەكەتتىك ءتىل مارتەبەسىنە ساي قىزمەت ەتۋى مەن ونى دامىتۋدا دا ب ا ق ءرولى ايرىقشا.
سەمينار- ترەنينگ حالىقتىڭ جىرى مەن سىرىن ۇنەمى جارىققا شىعارىپ، ۇزدىكسىز بايلانىس ورناتاتىن ب ا ق وكىلدەرى، ونىڭ ىشىندە تەلەارنا، راديوتىلشىلەرىمەن كەزدەسۋ ۇيىمداستىرىپ، ولاردىڭ سوزدىك قورىن، ءسوز ساپتاۋىن، ءتىل مادەنيەتىن جەتىلدىرۋگە ارنالادى.
سەمينار- ترەنينگتە كاسىبي ماماندار ءدارىس وقىپ، بۇقارالىق اقپارات قۇرالدارىندا مەملەكەتتىك تىلدە اقپارات تاراتۋ، سونىڭ ىشىندە ءتىل نورماسىنىڭ ساقتالۋى، سويلەۋ مادەنيەتى، تەرميندەردىڭ ءبىرىزدى قولدانىلۋى ماسەلەلەرى بويىنشا شەبەرلىك ساباقتارىن كورسەتەدى.
شاراعا ءتىل ءبىلىمى جانە جۋرناليستيكا سالاسىنىڭ عالىمدارى، بۇقارالىق اقپارات قۇرالدارىنداعى ءتىل سالاسىنا جاۋاپتى قۇرىلىمداردىڭ باسشىلارى مەن ماماندارى، تەلەارنا، راديوتىلشىلەرى قاتىسادى.
سەمينار- ترەنينگكە قاتىسقان تىلشىلەرگە سەرتيفيكات تابىستالادى.
