جابىرلەنۋشى حامرو سۋۆانوۆ: وسىنشاما قارىز سوماسىن قايدان العاندارىن بىلمەيمىن
«مۇنداي قارىز سوماسى قايدان شىققانىن ءوزىم دە تۇسىنگەن جوقپىن (ميري پاز سوتتا سۋۆانوۆتىڭ وعان قارىزىن باسىندا 2 ميلليون، كەيىن 1,2 ميلليون دوللار دەپ كورسەتكەن - رەداكسيا)»، - دەدى حامرو سۋۆانوۆ.
سوت تالقىسىندا سۋۆانوۆ ميري پازدىڭ سوزىنەن ۇققانىن جايىپ سالدى.
ونىڭ ايتۋىنشا، ميري پازعا ءبىر بالگەر سۋۆانوۆتىڭ ۇيىندە شكاف ارتىندا 2 ميلليون دوللار جاسىرىنىپ جاتىر دەپتى. وسىدان كەيىن، ءار كەش سايىن سۋۆانوۆتان: «ەندى اقشانى قايتاراسىڭ با، جوق پا؟» دەپ سۇراۋ كوبەيگەن. ول وزىندە مۇنداي سومادا اقشا جوق ەكەنىن ايتقان.
سونىمەن قاتار، ول يزرايل ازاماتشاسى ميري پازعا قارىزعا 200 مىڭ دوللار بەرگەن. ودان جالپى قۇنى 200 مىڭ دوللاردان اساتىن باعالى اشەكەيلەر العان. ول زاتتاردى كەيىن لومباردقا تاپسىرعان.
ليليا راحتان ساتۋعا 31 مىڭ دوللار تۇراتىن جۇزىك العان. جالپى سۋۆانوۆ راحقا 31 مىڭ دوللار جانە 1 ميلليون تەڭگە قارىز بولعان.
سوت تالقىسىندا ميري پازدىڭ ادۆوكاتى ساليمجان مۋسين ينتيمدى سۇراقتار بولاتىنىن ەسكەرتىپ، سوت زالىنان ب ا ق وكىلدەرىنىڭ شىعۋىن تالاپ ەتتى.
ەسكە سالا كەتەيىك، بۇگىنگى سوت تالقىسىندا جابىرلەنۋشى حامرو سۋۆانوۆ جەدەل جاردەم شاقىرتىپ، سوت وتىرىسى تۇستەن كەيىنگە قالدىرىلعان.
سونداي-اق بۇگىن تۇسكە دەيىن بولعان سوت وتىرىسىندا حامرو سۋۆانوۆ ءوزىن قالاي ۇرلاعانىن ايتىپ بەرگەن بولاتىن.
«ميسيروۆ مەن شالبايەۆ كەزەكتەسىپ ماعان قارادى. ميري پاز مەنەن ءار كەزدە ءارتۇرلى سومانى ايتىپ اقشا تالاپ ەتتى. ەڭ سوڭعى توقتاعانى - 1,2 ميلليون دەگەن سوما. ليلياعا مەن 31 مىڭ دوللار جانە 1 ميلليون تەڭگە قارىزبىن. مەنى قاماۋعا العان ەكىنشى كۇننەن باستاپ، اياق- قولىمدى بايلاپ تاستادى. ءۇشىنشى كۇنى بەتىمدى سكوتچپەن بايلادى»، - دەدى سۋۆانوۆ.
سونداي-اق، ول يسلام ميسيروۆ، باحىت شالبايەۆ وعان ءدارى مەن تاماق بەرىپ تۇرعانىن دا ايتتى.
«ميري پاز تاراپىنان ۇنەمى قاتىگەزدىك جاسالدى. مەنى سوڭعى رەت قاماۋدا ۇستاعان پاتەر الماتىدا ورنالاسقان. ول جەردەن مەنى قۇقىق قورعاۋ ورگانى ادامدارى شىعارىپ الدى، سول ءۇشىن ولارعا العىس ايتامىن»، - دەدى سۋۆانوۆ.
بۇعان دەيىن حابارلانعانداي، 2016 -جىلدىڭ 9 -شىلدەسىندە 33 جاستاعى وزبەكستان ازاماتىنىڭ جوعالىپ كەتكەندىگى تۋرالى پوليتسياعا ارىز تۇسكەن.
كەشەندى تەكسەرۋ شارالارى بارىسىندا ايىپتالۋشىلاردىڭ وزبەكستان ازاماتىن ۇرلاپ، قالاداعى جالدامالى پاتەرلەردىڭ بىرىندە قاماۋدا ۇستاعانى انىقتالدى. پوليتسيا قىزمەتكەرلەرىنىڭ جەدەل ارەكەتىنىڭ ارقاسىندا جابىرلەنۋشى قامالعان مەكەنجاي انىقتالىپ، ول امان- ەسەن بوستاندىققا شىعارىلعان ەدى. وسى ىسكە قاتىسى بار دەگەن كۇدىكپەن ءتورت ادام ۇستالدى. ولار: ليليا راح، ميري پاز، يسلام مەسيروۆ جانە باقىت شالبايەۆ.
