شىمكەنت تۇرعىندارى ۋلى يىسكە شاعىمداندى

استانا. قازاقپارات - تاڭ اتا اۋلاعا شىققان شىمكەنتتىكتەر قالا كوشەلەرىنەن قولقانى قاباتىن قولاڭسا ءيىستى سەزگەن.

ول تابيعي گاز يىسىنە قاتتى ۇقسايدى. ەكولوگتار اۋا سىناماسىن الىپ ۇلگەردى، دەپ حابارلايدى قازاقپارات Otyrar.kz. سايتىنا سىلتەمە جاساپ.

قالاداعى «104» اپات قىزمەتى مەن «112» توتەنشە كومەك قىزمەتىنىڭ تەلەفونىنا بۇگىن تىنىم بولماعانى انىقتالدى.

«112» قىزمەتى وكىلدەرىنىڭ ايتۋىنشا، بۇل تابيعي گاز ەمەس. ەكولوگتار جاعىمسىز اۋانىڭ سىنامالارىن الدى، ارنايى كوميسسيا جۇمىس ىستەپ جاتىر. ادەتتە، قالاداعى قورعاسىن زاۋىتى زياندى زاتتاردى اۋاعا شىعاراتىن. ارنايى كوميسسيا ءوز تۇجىرىمىن كەيىنىرەك جاريالايدى.

«ارنايى قۇرالدى پايدالانىپ، اۋا سىنامالارىن جيناۋ جۇمىستارى جۇرگىزىلدى. زەرتحانالىق زەرتتەۋلەردەن كەيىن ناتيجەسى جاريالانادى»، - دەلىنگەن و ق و ت ج د باسپا ءسوز قىزمەتىنىڭ حابارلاماسىندا.

قالانىڭ وڭتۇستىك بولىگىندە سەزىلگەن ۋلى ءيىستىڭ تابيعي گازعا ەش قاتىسى جوق. «قازترانسگاز ايماق» كومپانياسىنىڭ ماماندارى بىرنەشە رەت ارنايى قۇرالمەن ولشەم جۇرگىزىپ شىقتى. اۋادا تابيعي گاز ەلەمەنتتەرى تابىلعان جوق. ت ج قىزمەتى دە مۇنى راستاۋدا. مامانداردىڭ ايتۋىنشا، اۋا قۇرامىنان شامادان مىس اممياك مولشەرى انىقتالعان.