ارقالىقتا ءۇش مەشىت ساۋداعا قويىلدى

قوستاناي. قازاقپارات - ارقالىق بيزنەسمەنى بولات ابدىبەكوۆ ءوز يەلىگىندەگى ءۇش مەشىتتى ساۋداعا قويدى، دەپ حابارلايدى قازاقپارات جەرگىلىكتى «كوستانايسكيە نوۆوستي» باسىلىمىنا سىلتەمە جاساپ.

باسىلىمنىڭ جازۋىنشا، ابدىبەكوۆ - «قۇرالاي» قۇرىلىس كومپانياسىنىڭ يەسى. ونىڭ كومپانياسى جەرگىلىكتى بيلىكتىڭ تاپسىرماسى بويىنشا ءۇش مەشىت سالعان. قۇرىلىس 1992 -جىلدان 1999 -جىلعا دەيىن جۇرگىزىلگەن.

الايدا، تاپسىرىس بەرۋشىلەر قۇرىلىس كومپانياسىنا تيەسىلى قاراجاتتى تولەمەگەن. كوپكە سوزىلعان سوت وتىرىستارىندا داۋ تۋدىرعان. عيماراتتاردى ابدىبەكوۆتىڭ يەلىگىنە كوشىرۋ شەشىمى قابىلداندى. بىرنەشە جىلدان كەيىن ول ءبىر مەشىتتى ساتاتىنىن، ال 2013 -جىلى ەكى مەشىتتى ساتاتىنىن حابارلاعان.

ءدىني باعىتتا پايدالانۋعا ارنالعان ءۇش عيماراتتى دا ساتاتىنى تۋرالى قازىر بەلگىلى بولىپ وتىر. قازىر جىلجىمايتىن مۇلىكتەردى ساتۋ بويىنشا ونلاين-رەسۋرستاردا ۇسىنىلعان باعاسى تومەندەگىدەي: ارقالىقتاعى مەشىتتىڭ قۇنى - 180 ميلليون تەڭگە، امانتوعاي كەنتىندەگى مەشىتتىڭ باعاسى 50 ميلليون تەڭگە، تورعاي كەنتىندەگى اللا ءۇيىنىڭ باعاسى 94 مىڭ ا ق ش دوللارى. ساتۋشى باعانى تۇسىرۋگە دايىن ەكەنىن ايتتى.