14:31, 26 - قازان 2016 | GMT +5
وبلىس اكىمىنىڭ سۇراۋى ۇكىمەت باسشىسىنىڭ كۇلكىسىن كەلتىردى
استانا. قازاقپارات- سولتۇستىك قازاقستان وبلىسىنىڭ اكىمى ەرىك سۇلتانوۆ جەرگىلىكتى الەۋمەتتىك ماسەلەلەردى شەشۋ ءۇشىن ۇكىمەتتەن 30 ميلليون تەڭگە سۇراعان. بۇل ماسەلە ۇكىمەت وتىرىسىندا ايتىلدى،
دەپ حابارلايدى Baq.kz پورتالى.
س ق و اكىمىنىڭ بۇنىسىن ۇكىمەت باسشىسى سىنعا الدى. ءتىپتى، ورتالىقتان وسىنداي قارجى سۇراپ، حات جازۋدىڭ ءوزى ۇيات ەكەنىن ايتتى.
«سىزدەر ۇكىمەتكە حات جازىپ، قول قوياردىڭ الدىندا ءسال ويلانىڭىزدار. كەيبىر حاتتارىڭىزدى قاراۋدىڭ ءوزى ۇيات. ماسەلەن، سولتۇستىك قازاقستان وبلىسىنىڭ اكىمى جەرگىلىكتى الەۋمەتتىك ماسەلەلەردى شەشۋ ءۇشىن ورتالىقتان 30 ميلليون تەڭگە سۇراعان. بۇل ەندى كۇلكىلى عوي. جەرگىلىكتى ماسەلەنى شەشۋگە 30 ميلليون تەڭگە تابۋعا بولادى عوي. سوندىقتان حاتتى جولدار الدىندا دۇرىستاپ ويلانىپ، قاراپ الىڭىزدار»، - دەدى باقىتجان ءابدىر ۇلى.
سولتۇستىك قازاقستان وبلىسىنىڭ اكىمى ەرىك سۇلتانوۆ
