12:02, 26 - قازان 2016 | GMT +5
اقتوبە تۇرمەسىندە ءدىني ەكسترەميزمنىڭ ىقپالى تۋرالى تراگەديا قويىلدى
استانا. قازاقپارات - العاش رەت ك ا-168/2 (ورتاشا قاۋىپتىلىك، اقتوبە قالاسى) مەكەمەسىندە جازۋشى- دراماتۋرگ جابال ەرعاليەۆتىڭ «ەسىگىمدى قاققان كىم؟» وزەكتى پەاسى ساحنالاندى.
بۇل تۋرالى قازاقپارات اقتوبە وبلىستىق قىلمىستىق- اتقارۋ جۇيەسى دەپارتامەنتىنە سىلتەمە جاساپ حابارلادى.
«اتالعان مادەني- كوپشىلىك شارا ق ر تاۋەلسىزدىگىنىڭ 25 جىلدىعىنا وراي ۇيىمداستىرىلىپ وتىر. درامانىڭ باستى ماقساتى - بەيبىتشىلىكتى باعالاپ، وتاندى سۇيۋگە، قارا شاڭىراقتى قاستەرلەۋگە شاقىرۋ»، - دەپ اتاپ ءوتتى اقتوبە وبلىسى قىلمىستىق- اتقارۋ جۇيەسى دەپارتامەنتىنىڭ وكىلى نۇرگۇل جۇماعۇلوۆا.
ت. احتانوۆ اتىنداعى اقتوبە وبلىستىق تەاترىنىڭ اكتەرلەرى ءدىني ەكسترەميستەردىڭ ارباۋىنا تۇسكەن جاس جۇبايلار تراگەدياسى تۋرالى قويىلىمدى نازارعا ۇسىندى. «بۇل قويىلىم بۇگىنگى جاستار مەن قوعامدى تولعاندىرىپ جۇرگەن كوپتەگەن سۇراققا جاۋاپ بەرەدى»، - دەدى درامالىق تەاترداعى قازاق ترۋپپاسىنىڭ كوركەمدىك جەتەكشىسى سەرجان امانقۇلوۆ.
