10:13, 26 - قازان 2016 | GMT +5
ەلوردادا قاتەرلى ىسىك اۋرۋلارىنىڭ الدىن الۋ بويىنشا ون كۇندىك اياقتالدى
استانا. قازاقپارات - ەلوردادا دۇنيەجۇزىلىك ءسۇت بەزىنىڭ قاتەرلى ىسىگىمەن كۇرەس كۇنىنە ارنالعان قاتەرلى ىسىك اۋرۋلارىنىڭ الدىن الۋ بويىنشا ونكۇندىك اياقتالدى،
دەپ حابارلايدى اكىمدىكتىڭ باسپا ءسوز قىزمەتىنەن.
ون كۇننىڭ ىشىندە 972 ايەل تەكسەرۋدەن ءوتتى. شارا ءبىر ۋاقىتتا بىرنەشە مەديتسينالىق مەكەمەدە، سونىڭ ىشىندە، ونكولوگيالىق ورتالىقتا ۇيىمداستىرىلدى. ال «استانا سۋ ارناسى» كاسىپورنىندا اكسيا كەزىندە 357 ايەل مەديتسينالىق تەكسەرۋدەن ءوتتى.
سوڭعى ءۇش جىلدا استانادا وسى ىندەتپەن اۋىرۋ كورسەتكىشى ارتىپ كەلەدى. مامانداردىڭ ايتۋىنشا، بۇگىنگى كۇنى اۋرۋدى ەرتە انىقتاۋدىڭ جانە ەمدەۋدىڭ جاڭا جانە يننوۆاتسيالىق ادىستەرى بار. ال دارىگەردىڭ كومەگىنە ۋاقىتىندا جۇگىنگەن جاعدايدا اۋرۋدان تولىقتاي ايىعۋعا مۇمكىندىك بار.
قازىرگى كەزدە استانالىقتار تۇرعىلىقتى جەرى بويىنشا 11 ەمحانا مەن 9 ىشكى اۋديت قىزمەتىندە ونكولوگ دارىگەرلەردىڭ تەگىن تەكسەرۋىنەن وتە الادى.
