قازاقستان ارمياسى جاڭا اسكەري-كولىك ۇشاقتارىمەن تولىقتى
قازاقستاندىق ارميانىڭ جاراقتاندىرىلۋىنا كەزەكتى س-295 جاڭا اسكەري-كولىك ۇشاعى مەن ترالدارى بار زاماناۋي ەر-توقىمدى تارتقىشتاردىڭ كەزەكتى جاڭا پارتياسى مەن تيەۋ-ءتۇسىرۋ تۇعىرى كەلىپ ءتۇستى. ۇشاقتىڭ بۇل ءتۇرىن قازاقستاننىڭ قارۋلى كۇشتەرى 2002-جىلدان باستاپ پايدالانۋدا. پايدالانىلۋى جىلدارىندا توپىراقتى جانە قىسقارتىلعان ۇشۋ-قوندىرۋ جولاعىنا ۇشۋ مەن قونۋدى جۇزەگە اسىراتىن مۇمكىندىگى بار بەرىك جانە كۇتىمدى اسا قاجەت ەتپەيتىن ۇشاق رەتىندە تانىلىپ وتىر.
ەر-توقىمدى تارتقىشتاردىڭ اتالعان ءتيپى ۇلكەن قاشىقتىقتارعا اۋىر شىنجىر تاباندى اسكەري تەحنيكانى موبيلدى الماستىرۋدى قامتاماسىز ەتەدى. اسكەري تەحنيكانىڭ كەلىپ تۇسكەن پارتياسى جۇك كوتەرىمدىلىگى 60 جانە 40 توننالى اسكەري تەحنيكانى تاسىمالداۋعا، سونداي-اق، دالالىق جاعدايلاردا تەمىرجول كولىگىنە ونى تيەۋ مەن ءتۇسىرۋدى جۇزەگە اسىرۋعا قابىلەتتى.
«قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى ارميانىڭ ماتريالدىق-تەحنيكالىق قۇرامداسىنا ەرەكشە كوڭىل بولەدى. جاۋىنگەرلىك ماشينالار پاركىنىڭ جىل سايىنعى جاڭارتىلۋى قازاقستان قورعانىس مينيسترلىگىنىڭ ءارتۇرلى نىساندارىندا اتقارىلاتىن ارنايى تاپسىرمالاردىڭ ساپاسى مەن مەرزىمىنە ەلەۋلى ىقپال ەتەدى»، - دەپ 73652 ءا/ب كومانديرىنىڭ ماتەريالدىق-تەحنيكالىق قامتاماسىز ەتۋ جونىندەگى ورىنباسارى پودپولكوۆنيك يۋري تيمچەنكو اتاپ ءوتتى. قازاقستاندىق ارميانىڭ جاراقتاندىرۋىنا كەلىپ تۇسەتىن جاڭا تەحنيكا جاۋىنگەرلىك قابىلەتتىلىك پەن ۇتقىرلىقتى، جەكە قۇرامدى، قارۋ-جاراق پەن اسكەري تەحنيكانى ۇزاق قاشىقتىققا تاسىمالداۋعا مۇمكىندىك بەرەدى.
