كۇدىكتىگە كۇش قولدانعان پوليتسەيلەر وزدەرى سوتتالىپ كەتتى

استانا. قازاقپارات - حرومتاۋ اۋداندىق سوتى پوليتسيا قىزمەتكەرلەرىنە قاتىستى ءىس بويىنشا ۇكىم شىعاردى، دەپ حابارلايدى اقتوبە وبلىستىق سوتى.

حرومتاۋ اۋداندىق سوتىنىڭ 2016-جىلعى 17-قازانداعى ۇكىمىمەن حرومتاۋ اۋداندىق ءى ءى ب قىزمەتكەرلەرى س. قادىرجانوۆ، ب. باحرادينوۆ جانە ب. قۇرمانباي ق ر ق ك- ءنىڭ 146- بابىنىڭ 2- بولىگى 1- تارماعى بويىنشا مەملەكەتتىك قىزمەتتە جانە قۇقىق قورعاۋ ورگاندارىندا لاۋازىمدى يەلەنۋ قۇقىعى شەكتەلە وتىرىپ 3 جىلعا باس بوستاندىعىنان ايىرىلدى. وسى ۇكىم بويىنشا ايىپتالۋشىلار ارنايى اسكەري شەندەرىنەن ايىرىلدى.

ءىستىڭ ماتەريالدارىنا جۇگىنسەك، اتالمىش حرومتاۋ اۋداندىق ءى ءى ب عيماراتىندا پوليتسيا قىزمەتكەرلەرى توپتاسىپ جابىرلەنۋشى م. قۇسپانوۆقا الاياقتىققا قاتىستى مالىمەتتەر الۋ جانە ونى مويىنداتۋ ءۇشىن پسيحيكالىق جانە فيزيكالىق قىسىم كورسەتكەن. وسى ماقساتتا ولار كۇدىكتەلگەن ازاماتقا سوت ساراپتاما ايعاقتاعان دەنە جاراقاتىن سالعان.

مەملەكەتتىك ايىپتاۋشى بۇرىنعى پوليتسيا قىزمەتكەرلەرىنە ق ر ق ك- ءنىڭ 146- بابىنىڭ 2- بولىگى بويىنشا 5 جىل باس بوستاندىعىنان ايىرۋدى سۇرادى. سوت بۇرىن ولاردىڭ سوتتىلىعى بولماعانىن، جۇمىس ورىندارى مەن تۇرعان جەرلەرىنىڭ بەرگەن جاقسى مىنەزدەمەلەرى مەن س. قادىرجانوۆ پەن ب. قۇرمانبايدىڭ كامەلەتكە تولماعان بالالارى بار ەكەندىگىن ەسكەرە وتىرىپ اتالعان باپتاعى ەڭ تومەنگى شەكتى باس بوستاندىعىنان ايىرۋ مەرزىمىن تاعايىندادى.

سوت شەشىمى زاڭدى كۇشىنە ەنگەن جوق.