ىشىمدىك ىشۋدەن ايەلدەر ەرلەرمەن تەڭەسىپ قالدى
ءتورت ميلليون ادامنىڭ مالىمەت بازاسىنىڭ ساراپتاماسى كورسەتكەندەي، بۇرىندارى ەر ادامدار الكوگول ىشۋگە بەيىم بولاتىن، الايدا ايەلدەردىڭ قازىرگى بۋىنى بۇل جاعىنان ەرلەرگە جەتىپ قالعان. ⅩⅩ عاسىر باسىندا ەر ادامدار ايەلدەرگە قاراعاندا الكوگولدى ەكى ەسە ارتىق پايدالانىپ، ماسكۇنەمدىككە شالدىعۋى ءۇش ەسە ارتىق بولاتىن.
كەيىنگى ون جىلدىقتاردا بۇل ايىرماشىلىق بىرتىندەپ جوعالا باستاعان. 21- عاسىردا سپيرتتىك ىشىمدىكتەردى ەرلەر ايەلدەردەن ءسال عانا ارتىق پايدالانادى ەكەن (1,1 ەسە). ال ماسكۇنەمدىككە جەتۋ دەڭگەيى 1,2 ەسەگە ارتىق.
لوندوندىق گيگيەنا جانە تروپيكالىق مەديتسينا مەكتەبىنىڭ پروفەسسورى مارك پەتتيكريۋدىڭ پىكىرىنشە، مۇنداي وزگەرىس سەبەبىن ەرلەر مەن ايەلدەردىڭ الەۋمەتتىك رولدەرىنىڭ اۋىسىۋىنان عانا كورۋگە بولمايدى.
«الكوگولل ىشىمدىكتەرىنە قولجەتىمدىلىكتىڭ ارتۋى دا ۇلكەن ءرول وينايدى، ال ىشىمدىكتەردىڭ جارناماسى ايەل ادامدارعا باعىتتالعانى كورىنىپ- اق تۇر، اسىرەسە جاس بۋىنعا»، - دەپ ەسەپتەيدى مارك پەتتيكريۋ.
«كاسىبي دارىگەرلەر قوعامعا جاردەمدەسۋى كەرەك - ايەلدەرگە دە، ەرلەرگە دە - الكوگولدى پايدالانۋدىڭ قانداي قاۋپى بارىن تۇسىنۋگە جانە وسى قاۋىپتى تومەندەتۋ ءۇشىن»، - دەيدى عالىم.
