قىتاي اۋسىل دەرتىنە بايلانىستى قازاقستان ەتىنە سالىنعان تىيىمدى الىپ تاستادى
بۇل تۋرالى بۇگىن ق ر اۋىل شارۋاشىلىعى ۆيتسە-ءمينيسترى گۇلميرا يسايەۆا ءمالىم ەتتى.
«اعىمداعى جىلى قىركۇيەك ايىنىڭ سوڭىندا قىتاي تاراپى قازاقستاننىڭ ۆەتەرينارلىق قىزمەتىن زەرتتەپ، ينسپەكتسيا جۇرگىزگەننەن كەيىن قازاقستاننىڭ 9 وبلىسىنان ەت يمپورتتاۋعا سالىنعان تىيىمدى الىپ تاستادى. ولار اقمولا، باتىس قازاقستان، اقتوبە، اتىراۋ، قاراعاندى، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارى. بۇل ءبىزدىڭ ەكىنشى كەزەڭگە وتكەنىمىزدى بىلدىرەدى. ياعني، ازىق- تۇلىك قاۋىپسىزدىگىنە، ەت وڭدەۋ كاسىپورىندارىنا ينسپەكتسيا جۇرگىزىلگەننەن كەيىن، ولار قىتايعا ءوز ونىمدەرىن تاسىمالداي الاتىن كاسىپورىنداردىڭ تىزىمىنە ەنگىزىلەدى. بۇل جاقىن ارادا ءىرى قارا جانە قوي ەتتەرى قازاقستاننان قىتايعا جونەلتىلەدى دەگەن ءسوز»، - دەپ اتاپ ءوتتى ول.
ايتا كەتكەن ءجون، ق ح ر اتالمىش تىيىمدى 2013 -جىلى قازاقستاندا اۋسىل دەرتىنىڭ ءورشىپ كەتكەن كەزىندە ەنگىزىلگەن بولاتىن.
