تەلەارنالاردا الەۋمەتتىك جارنامانى تەگىن كورسەتەتىن بولادى
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جارناما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا قاتىستى بايانداما جاساعان مينيستر الەۋمەتتىك جارناما ءرولىن كۇشەيتۋ كوزدەلگەندىگىن اتاپ ءوتتى.
«الەۋمەتتىك جارنامانى كەڭىنەن تاراتۋ ارقىلى قوعامنىڭ ادەپتىك- مادەني تاربيە دەڭگەيىن ارتتىرۋ، سونداي- اق ەلدىڭ يميدجتىك ساياساتىن ىلگەرىلەتۋ ءۇشىن زاڭ جوباسى الەۋمەتتىك جارنامانى كۇشەيتۋ ماقساتىندا مىندەتتى تەلە- راديوارنالار ءۇشىن اقىسىز نەگىزدە اي ىشىندەگى جالپى جاريالانىم كولەمىنىڭ كەمىندە ءبىر پايىزى مولشەرىندە الەۋمەتتىك جارنامانى ورنالاستىرۋ مىندەتى ەنگىزىلەدى»، - دەپ اتاپ ءوتتى ول.
ق. بيشىمبايەۆتىڭ سوزىنشە، اقىسىز نەگىزدە الەۋمەتتىك جارنامانى ورنالاستىرۋ ءتارتىبى اقپارات جانە كوممۋنيكاتسيالار سالاسىنداعى ۋاكىلەتتى ورگانمەن بەلگىلەنەدى.
سوعان بايلانىستى «تەلەراديو حابارلارىن تاراتۋ تۋرالى» زاڭعا تولىقتىرۋلار ەنگىزىلمەك. سونداي- اق ي ك م الەۋمەتتىك جارنامانى جاساۋ جانە مىندەتتى تەلە- راديوارنالاردا ورنالاستىرۋ قاعيدالارىن بەكىتۋگە قۇزىرەتىن بەرۋگە قاتىستى وزگەرىستەر ورىن الادى.
اۆتور: جاسۇلان جولدىبايەۆ
