يزرايل قازاقستان اسكەرى ءۇشىن قارۋ- جاراق جەتكىزەتىن نەگىزگى ەلدەردىڭ ءبىرى

استانا. قازاقپارات - يزرايل، قىتاي حالىق رەسپۋبليكاسى مەن رەسەي فەدەراتسياسى قازاقستان اسكەرى ءۇشىن قارۋ- جاراق پەن اسكەري تەحنيكا جەتكىزەتىن نەگىزگى ەلدەر ەكەن.

 بۇل تۋرالى قازاقپارات اگەنتتىگىنىڭ رەسمي ساۋالىنا جاۋاپ بەرە وتىرىپ، ق ر قورعانىس مينيسترلىگىنىڭ باسپا ءسوز قىزمەتى حابارلادى.

 «يزرايل، قىتاي جانە رەسەي فەدەراتسياسى قازاقستان ارمياسى ءۇشىن قارۋ- جاراق پەن اسكەري تەحنيكا جەتكىزەتىن نەگىزگى ەلدەر»، - دەپ حابارلانعان قورعانىس مينيسترلگىنىڭ جاۋابىندا.

 جالپى، باسپا ءسوز قىزمەتىنىڭ حابارلاۋىنشا، قورعانىس مينيسترلىگى قارۋ- جاراق پەن اسكەري تەحنيكا سالاسىندا ءبىرقاتار مەملەكەتتىك رەتتەۋ شارالارىن قابىلداپتى.

 «بىرىنشىدەن، قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەر مەن اسكەري قۇرىلىمدارىنىڭ جاراقتانۋىندا تۇرعان قارۋ- جاراق پەن اسكەري تەحنيكا تۋرالى مالىمەتتەردى جۇيەلەندىرەتىن ق ر قارۋلى كۇشتەرىنىڭ، باسقا دا اسكەرلەرى مەن اسكەري قۇرىلىمدارىنىڭ قارۋ- جاراعى مەن اسكەري تەحنيكاسىنىڭ كاداسترى ازىرلەندى»، - دەپ حابارلانعان جاۋاپتا.

ەكىنشىدەن، دەرەككوزىنە سۇيەنسەك، قورعانىس ءمينيسترى بىلتىر 21 - قاڭتاردا «قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرىلىمدارىن جاراقتاندىرۋعا قارۋ- جاراق پەن اسكەري تەحنيكانى قابىلداۋ قاعيدالارىن بەكىتۋ تۋرالى» بۇيرىققا قول قويعان ەكەن.

«شەت ەلدەردەن قازاقستانعا قارۋ- جاراق جەتكىزەتىن تاراپتارمەن ىسكەرلىك قارىم- قاتىناس ورناتاتىن ورگان رەتىندە قورعانىس مينيسترلىگىنىڭ جانىنان «قاز ارناۋلى ەكسپورت» رەسپۋبليكالىق مەملەكەتتىك كاسىپورنى قۇرىلدى»، - دەپ حابارلادى قورعانىس مينيسترلىگى.

اۆتور: كەنجەكەي توقتامۇرات قىزى