قازاقستان مەن ساۋد ارابيا مۇناي سالاسىنداعى ىنتىماقتاستىق ماسەلەلەرىن تالقىلادى
دەپ حابارلايدى قازاقپارات.
ەكى ۆەدومستۆو باسشىلارى ق ر پرەزيدەنتى نۇرسۇلتان نازاربايەۆتىڭ ساۋد ارابياسى كورولدىگىنە جاسايتىن رەسمي ساپارىنىڭ قارساڭىندا كەزدەستى.
«ساۋد ارابياسى كورولدىگىنىڭ ەنەرگەتيكا، ونەركاسىپ جانە مينەرالدى رەسۋرستار ءمينيسترى حاليد ءال فاليحپەن كەزدەسۋ ءوتتى. اڭگىمەمىز 1 ساعاتقا سوزىلدى. ءال فاليح مىرزانىڭ مينيستر قىزمەتىنە تاعايىندالعاننان كەيىنگى العاشقى كەزدەسۋى وسى ەكەن. ەڭ الدىمەن، مۇناي سالاسىنداعى ىنتىماقتاستىعىمىزدى تالقىلادىق. وزدەرىڭىز بىلەتىندەي، ساۋد ارابياسى قازىر الەم بويىنشا مۇناي باعاسىنا ىقپال ەتەتىن ءبىرىنشى مەملەكەت. رەسەي فەدەراتسياسى جانە ۆەنەسۋەللامەن بىرگە مۇناي باعاسىن ۇيلەستىرىپ، بولجام جاساۋعا مۇمكىندىك تۋدىرعىسى كەلەدى»، - دەدى كەزدەسۋدەن كەيىن جۋرناليستەرگە سۇحبات بەرگەن ق ر ەنەرگەتيكا ءمينيسترى قانات بوزىمبايەۆ.
ەنەرگەتيكا ءمينيسترىنىڭ حابارلاۋىنشا، كەزدەسۋ بارىسىندا ينۆەستيتسيا تارتۋ ماسەلەسى دە كەڭىنەن تالقىلاندى.
«ساۋد ارابياسىنداعى مۇنايشىلاردىڭ ستراتەگياسى وزگەرىپ وتىرعانىن بىلەسىزدەر. ءبىز، قازاقستان ولارعا مۇناي سالاسىنا ينۆەستيتسيا قۇيسىن دەپ ۇسىنىس ايتتىق. سونداي- اق، اتوم سالاسىنداعى ىنتىماقتاستىق ماسەلەسىن تالقىلادىق. قازاقستان ۋران ءوندىرىسى بويىنشا كوشباسشى ەل ەكەنىن بىلەسىزدەر، رەسەي فەدەراتسياسىمەن ارادا ۋران بايىتاتىن كاسىپورىن بار. ءبىزدىڭ بۇل سالادا جيناعان تاجىريبەمىز بار، سونى ساۋد ارابياسىنداعى ارىپتەستەرىمىزبەن بولىسۋگە دايىنبىز»، - دەدى ق. بوزىمبايەۆ.
ەكى تاراپ سونداي- اق، قالپىنا كەلەتىن ەنەرگيا كوزدەرىن دامىتۋ ماسەلەلەرى بويىنشا دا ۋاعدالاستىققا كەلگەن.
«بۇل باعىتتا دا ەكى تاراپتىڭ قولعا العان جۇمىسىن ۇيلەستىرىپ وتىرامىز دەپ كەلىستى. ساۋد ارابياسىنىڭ ەنەرگەتيكا ءمينيسترىن قازاقستانعا شاقىرا وتىرىپ، ەلىمىزدە باستالعان جەكەشەلەندىرۋ ناۋقانى تۋرالى ايتىپ بەردىم. جالپى، ەنەرگەتيكا سالاسىنداعى ىنتىماقتاستىق تۋرالى كەڭ كولەمدى قۇجاتقا قول قويۋ مەجەسىنە دە جەتەمىز دەپ ويلايمىن»، - دەدى كەزدەسۋ ناتيجەسىن بايانداعان ق. بوزىمبايەۆ.
