قازاقستاندا تاۋلىكتىك مۇناي ءوندىرۋ كولەمى ارتتى
«مۇناي جانە گاز اقپاراتتىق- تالداۋ ورتالىعى» ا ق باسپا ءسوز قىزمەتىنىڭ مالىمەتىنە قاراعاندا، وتكەن اپتانىڭ قورىتىندىسىنا سايكەس، ەلىمىزدە گاز ءوندىرۋ كولەمى دە 17,6 پايىزعا وسكەن. بۇل كورسەتكىش تاۋلىگىنە 122,5 ميلليون تەكشە مەتر گازدى قۇرادى. «سوڭعى تاۋلىكتەردە ءونىم ءوندىرۋ كولەمىنىڭ ارتۋى بارلىق دەرلىك ءوندىرۋشى كومپانيالاردا بەلگىلەندى»، - دەلىنگەن باسپا ءسوز بايانىندا.
سونىمەن قاتار، كەلتىرىلگەن دەرەكتەرگە قاراعاندا 2016 -جىلدىڭ قىركۇيەك ايىندا قازاقستاننان ەكسپورتتالعان مۇناي ونىمدەرىنىڭ جالپى كولەمى 453,8 مىڭ توننانى قۇرادى. بۇل كورسەتكىش اعىمداعى جىلعى تامىز ايىنا قاراعاندا 1,8 پايىزعا تومەن. سونداي- اق، قىركۇيەك ايىندا ەلىمىزدەن ەكسپورتتالعان مازۋت 9,6 پايىزعا ازايعان. كەرىسىنشە، سۇيىتىلعان گاز ەكسپورتى 16,3 پايىزعا جوعارىلادى.
«ايتا كەتەيىك، قاشاعان كەن ورنىنان وندىرىلگەن ەكسپورتتىق مۇنايدىڭ العاشقى پارتياسى كاسپي قۇبىر جەلىسى كونسورتسيۋمىنىڭ جۇيەسىنە 14 - قازاننان باستاپ جەتكىزىلە باستادى. بۇدان بولەك، «قازترانسويل» ا ق قۇبىر جەلىسى جۇيەسىنە 18,8 مىڭ توننا ەكسپورتتىق مۇناي قۇيىلعان. ال «ينتەر گاز ورتالىق ازيا» ا ق ماگيسترالدىق جۇيەسىنە 22,8 ميلليون تەكشە مەتر تاۋارلى گاز باعىتتالدى»، - دەپ جازىلعان باسپا ءسوز حابارلاماسىندا.
