20:52, 24 - قازان 2016 | GMT +5
بالاسى تاحتان تايدىرعان كاتاردىڭ بۇرىنعى ءامىرى قايتىس بولدى
استانا. قازاقپارات - 84 جاسىندا كاتاردىڭ بۇرىنعى ءامىرى شەيحى حاليفا باقيلىق بولدى. بۇل تۋرالى قازاقپارات classic.newsru.com سايتىنا سىلتەمە جاساپ حابارلايدى.
كاتاردىڭ باسشىسى شەيح تاميم بەن حاماد ءال تاني ەلدە ءۇش كۇندىك قارالى كۇن جاريالادى. حاليفا بەن حاماد ءال تاني 1972 جانە 1995 -جىلدار ارالىعىندا 20 جىلدان استام مەملەكەت باسقاردى.
ول كاتاردىڭ 6- ءامىرى جانە ءال تاني اۋلەتىنىڭ ەكىنشى وكىلى بولدى. 1995 - جىلى مەملەكەتتىك توڭكەرىس بارىسىندا ونىڭ بالاسى حاماد بەن حاليفا ءال تاني اكەسىن بيلىكتەن الىپ تاستادى.
2013 -جىلى ورنىنان الىنىپ تاستالعان شەيحتىڭ بالاسى بيلىكتەن باس تارتىپ، ءوز ورنىن ءوزىنىڭ بالاسى شەيح تاميم بەن حاماد ءال تانيگە ۇسىندى. سوڭعىسى مەملەكەتتىك ءالى كۇنگە دەيىن باسقارىپ كەلەدى.
