قازاقپاراتتىڭ باس ديرەكتورى ق ر مەن ق ح ر گۋمانيتارلىق ىنتىماقتاستىعىنداعى ىلگەرىلەۋدى اتاپ ءوتتى
دەپ حابارلادى قىتايدان «قازاقپارات» ح ا ا مەنشىكتى ءتىلشىسى.
«سوڭعى جىلدارى ەلدىڭ گۋمانيتارلىق ىنتىماقتاستىعىندا بەلگىلى ءبىر ىلگەرىلەۋ بايقالادى - ەكى ەلدىڭ عالىمدارى، مادەنيەت پەن ونەر قايراتكەرلەرى اراسىندا ىنتىماقتاستىق ارتۋدا. قىتايداعى قازاقستاندىق ستۋدەنتتەر سانى 11 مىڭنان اسادى. بۇل ق ح ر- داعى شەتەل ستۋدەنتتەرى سانىنىڭ بارىنشا جوعارى كورسەتكىشتەرىنىڭ ءبىرى بولىپ تابىلادى. قازاقستاندا 4 كونفۋسي ينستيتۋتى جۇمىس ىستەيدى»، - دەدى ول «ب ا ق حالىقتاردىڭ ءوزارا تۇسىنىستىگىن قالاي نىعايتادى» اتتى پانەلدى سەسسيادا ءسوز سويلەۋ بارىسىندا.
«قازاقپارات» ح ا ا باس ديرەكتورى وتكەن جىلدىڭ اياعىنان باستاپ قىتايدا قازاقستان ورتالىقتارى - قازاقستان تاريحى، ءتىلى جانە مادەنيەتىن العا جىلجىتۋ جانە تاراتۋ ءۇشىن جاريا ديپلوماتيا سالاسىنداعى فۋنكسيونالدىق الاڭ سانى ارتىپ جاتقانىن حابارلادى. سونىمەن، ق ح ر- داعى العاشقى قازاقستاندىق ورتالىق شاڭحاي شەت تىلدەرى ۋنيۆەرسيتەتىنىڭ جانىنان 2015 - جىلعى 16 - قاراشادا اشىلعان. ەكىنشىسى - سول جىلى 13 - جەلتوقساندا بەيجىڭ شەت تىلدەرى ۋنيۆەرسيتەتى جانىنان، ءۇشىنشىسى - 2016 - جىلعى 8 - قاڭتاردا داليانسك شەت تىلدەرى ۋنيۆەرسيتەتى جانىنان اشىلدى. 2017 - جىلدىڭ ءبىرىنشى جارتىسىندا شيان شەت تىلدەرى ۋنيۆەرسيتەتى جانىنان وسىنداي ورتالىق اشۋ جوسپارلانۋدا.
«مۇنداي سەرپىن قىتاي عىلىمي ورتاسى مەن قوعامداستىق وكىلدەرى تاراپىنان قازاقستانعا قىزىعۋشىلىقتى ارتتىرادى. مۇنى قىتاي ورتالىق تەلەۆيدەنيەسىنەن «ەلباسى جولى» اتتى ق ر پرەزيدەنتى ن. نازاربايەۆ تۋرالى تريولوگيانى كەڭىنەن كورسەتكەنىنەن بىلۋگە بولادى. ەكىنشى جاعىنان قازاقستان حالقىندا «ءبىر بەلدەۋ، ءبىر جول» ستراتەگياسى، «ساندىق جىبەك جولى» جانە «اقپاراتتىق جىبەك جولى» اتتى باعدارلامالاردى ىسكە اسىرۋعا بايلانىستى قىتايداعى وقيعالارعا قىزىعۋشىلىقتىڭ ارتقانىن اتاپ وتكەن ءجون»، - دەپ ايتىپ ءوتتى ول.
اسەل تولەگەنوۆا بۇگىندە قازاقستان اۋماعىندا «حالىق گازەتى» جانە «گۋاڭميڭ رى باۋ» گازەتتەرى، «شينحۋا» ا ا، حالىقارالىق قىتاي راديوسى، «CCTV» ورتالىق قىتاي تەلەۆيدەنيەسىنىڭ بولىمشەلەرى جۇمىس ىستەيتىنىن ەسكە سالدى. «رىن مين حۋا باۋ» باسپاسى بيىلعى جىلدان باستاپ قازاق جانە ورىس تىلدەرىندە «جىبەك جولى - ريەۆيۋ» جۋرنالىن شىعارا باستايدى.
«قازاقستانداعى، تۇتاستاي ورتالىق ازياداعى جەتەكشى قىتايلىق ب ا ق ارىپتەستەرى، باستى جانە ەسكى دوستارىنىڭ ءبىرى «قازاقپارات» ح ا ا بولىپ تابىلادى. وتكەن جىلى 95 كە كەلدىك. بۇگىندە وڭىردەن قىتايدا مەنشىكتى تىلشىلەر پۋنكتى بار ءبىز عانا. جوسپارىمىز - قىتايلىق ارىپتەستەرمەن پراكتيكالىق ىنتىماقتاستىقتى تەرەڭدەتۋدى، كەڭەيتۋدى جالعاستىرۋ. اتاپ ايتقاندا، تاياۋ ۋاقىتتا «رىن مين ۋاڭمەن» ءوزارا نەگىزدە اگەنتتىكتەرىمىزدىڭ جاڭالىقتارىمەن ارنايى ايدار اشۋعا نيەتتىمىز»، - دەدى ول.
«قازاقپارات» ح ا ا باس ديرەكتورى شارا قاتىسۋشىلارى ەكسپو-2017 كورمەسىنە شاقىرا وتىرىپ، قازاقستان مەن قىتاي اراسىنداعى ساياسي، ساۋدا- ەكونوميكالىق، قارجى- ينۆەستيتسيالىق ىنتىماقتاستىق جايلى قىسقاشا ايتىپ ءوتتى.
«كەلەسى جىل قازاقستاندا قىتايدىڭ تۋريزم جىلى بولىپ جاريالاندى. استاناعا ەكسپو- عا قىتايلىق تۋروپەراتورلاردىڭ الدىن الا ءوتىنىمى بويىنشا ق ح ر- دان جارتى ميلليوننان استام تۋريستەر كەلەدى. وسى وقيعانىڭ ارقاسىندا قىتايدا جانە باسقا دا «ءبىر بەلدەۋ، ءبىر جول» ەلدەرىندە ادامدار قازاقستان جايلى كەڭىنەن تانىسا تۇسەدى»، - دەدى اسەل تولەگەنوۆا.
