اراب كومپانيالارى قازاقستانداعى التىن كەندەرىنە بارلاۋ جاسايدى
ق ر پرەزيدەنتى نۇرسۇلتان نازاربايەۆتىڭ بىرىككەن اراب امىرلىكتەرىنە جاسايتىن رەسمي ساپارىنىڭ قارساڭىندا Metal corners holding كومپانياسى مەن «قازگەولوگيا» ۇلتتىق گەولوگيالىق بارلاۋ كومپانياسى» ا ق ءتيىستى كەلىسىمگە قول قويدى.
«بۇگىن ءبىز Metal corners holding كومپانياسىمەن ءوزارا كەلىسىم جاسادىق. كەلىسىمگە ساي، قازاقستاننىڭ جەر قويناۋىنان پوليمەتالل، مىس، التىن، كۇمىس سياقتى پايدالا قازبالاردى گەولوگيالىق بارلاۋعا مۇمكىندىك تۋادى. كەلىسىمنىڭ قۇنى شامامەن 50 ميلليون دوللاردى قۇرايدى. الايدا، بۇل - كەلىسىمنىڭ ءبىرىنشى ساتىسى. ەگەر دە بولاشاقتا ءبىز وسى قازبالاردىڭ باي كەنىن تاپساق، ارابتار ول جەرگە يننوۆاتسيالىق زاۋىتتار مەن فابريكالار تۇرعىزۋعا دايىن»، - دەدى جۋرناليستەرمەن اڭگىمەلەسكەن «قازەگولوگيا» ا ق باسقارما ءتوراعاسى عالىم نۇرجانوۆ.
وسىلايشا، ع. نۇرجانوۆتىڭ ايتۋىنشا، قازاقستاننىڭ ءوڭىر- وڭىرىندەگى تاۋ كەن- مەتاللۋرگيا كەشەنىن دامىتۋعا مۇمكىندىك تۋادى.
«ءبىراق، قاتە ءتۇسىنىپ قالماڭىزدار، بۇل كەن بايلىقتارى تابىلعان جەرلەر جالعا بەرىلەدى دەگەن ءسوز ەمەس. بۇل تەك كەن ورىندارىنا بارلاۋ جاساۋ ءۇشىن قارجى ءبولۋ. بارلاۋ جۇمىستارىن تولىقتاي «قازگەولوگيا» كومپانياسى جۇرگىزەدى. ءبىز قازىردىڭ وزىندە كەن تابىلادى دەگەن بولجامدى جەرلەردى بىلەمىز. ق ر ۇكىمەتىنىڭ شاعىن قالالاردى دامىتۋ تۋرالى قاۋلىسىنا ساي، كەن ورىندارىن مونوقالالاردىڭ ماڭىنان ىزدەيمىز دەگەن جوسپار بار. ونداي قالالاردىڭ جانىندا گەوحيميا جۇمىستارىن، گەوفيزيكا ەسەپتەرىن جۇرگىزىپ، بولاشاعى زور ورىنداردى انىقتادىق. وسىنداي اۋماقتارعا ينۆەستور تارتۋعا دايىنبىز. مىنە، ونداي ينۆەستورلاردىڭ بىرەۋى تابىلىپ تا قويدى»، - دەيدى ع. نۇرجانوۆ Metal corners holding كومپانياسى تۋرالى ايتا كەلە.
«قازگەولوگيا» باسشىسىنىڭ ايتۋىنشا، Metal corners holding كومپانياسى اراب جەرىندە پوليمەتالل، التىن مەن قورعاسىن قورىنا باي جەرلەردىڭ يەسى ەكەن.
«بۇل كومپانيالار ءدال قازىرگى دامۋىنا سايكەس، ىشكى نارىقتى يگەرىپ، سىرتقى نارىققا جول ىزدەپ وتىر. قازاقستاندا يننوۆاتسيالىق جوبالارىن جۇزەگە اسىرۋعا دايىن. ەگەر ولار مونوقالالاردىڭ ماڭىندا زاۋىتتار سالا باستاسا، ايماقتارداعى جۇمىسسىزدىق الدەقايدا ازايار ەدى»، - دەيدى ع. نۇرجانوۆ.
