جۋرناليستيكا عىلىمي- زەرتتەۋ ورتالىقتارىمەن جەتكىلىكسىز جۇمىس ىستەۋدە - اسىلبەك بيسەنبايەۆ

نانجيىڭ. قازاقپارات - «ءبىر بەلدەۋ، ءبىر جول» ەلدەرىندەگى جۋرناليستيكا عىلىمي- زەرتتەۋ ورتالىقتارىمەن بەلسەندى جۇمىس ىستەمەيدى.

 بۇل پىكىرىن بۇگىن جىبەك جولى بۇقارالىق اقپارات قۇرالدارى ىنتىماقتاستىعىنىڭ العاشقى فورۋمىندا «كومسومولسكايا پراۆدا - كازاحستان» گازەتىنىڭ باس ديرەكتورى اسىلبەك بيسەنبايەۆ ءمالىم ەتتى، دەپ حابارلادى قازاقپارات.

 «ءبىزدىڭ ەلدەردە جۋرناليستيكا عىلىمي- زەرتتەۋ ورتالىقتارىمەن ايتارلىقتاي بەلسەندى جۇمىس ىستەمەيتىنىن اتاپ ءوتۋ كەرەك. كەيدە سەنساتسيالار مەن تيراجدار قۋىپ، تىلشىلەر ستاتيستيكانى دۇرىس ۇعىنباي، ساياسي وقيعالارعا بۇرمالانعان باعا بەرۋى مۇمكىن. سوندىقتان تاعى ءبىر مىندەت - ماتەريالدارىمىزدىڭ ساپاسىن ارتتىرۋ. جانە بۇل ماسەلەدە سونداي- اق، حالىقارالىق ىنتىماقتاستىق ماڭىزدى. ءبىز ىقپالداستىق جايىمەن ارىپتەس- جۋرناليستەرگە عانا ەمەس، سونىمەن قاتار جىبەك جولى بەلدەۋىندەگى كەز كەلگەن ەلدىڭ ساراپشىسىنا جۇگىنە الۋىمىز كەرەك. بۇل ماتەريالدارىمىزدىڭ ساپاسىن ارتتىرىپ قانا قويماي، بارىنشا وبەكتيۆتى بولۋعا كومەكتەسەدى»، - دەدى ول «جىبەك جولىنىڭ بىرلەسكەن قۇرىلىسى اياسىندا ب ا ق ىنتىماقتاستىعىنىڭ جاڭا مۇمكىندىكتەرى، سىن- تەگەۋرىندەرى» تاقىرىبىنداعى پانەلدى سەسسيادا سويلەگەن سوزىندە.

ونىڭ سوزىنە قاراعاندا، جۋرناليستىڭ مىندەتى اقپاراتتى بەرۋ عانا ەمەس، سونىمەن بىرگە وعان وبەكتيۆتى جانە تارازىلانعان باعا بەرۋ.

فورۋم «ەكسپو الەمنىڭ تاريحي جانە مادەني قالالارى» اياسىندا ءوتىپ جاتىر. ونى قىتايدىڭ شەت تىلدەردەگى ادەبيەتتەر باسپا باسقارماسى مەن «حالىق سۋرەتتى جۋرنالى»  (China Pictorial) باسپاسىنىڭ قولداۋىمەن جانە جاردەمدەسۋىمەن نانجيىڭ ۇكىمەتى ۇيىمداستىردى، دەپ حابارلادى نانجيىڭ باسپا ءسوز كەڭسەسى جانە نانجيىڭ راديو حابار تاراتۋ، كينەماتوگرافيا جانە تەلەۆيدەنيە كورپوراتسياسى.

 فورۋمنىڭ باستى تاقىرىبى - «پىكىر ءبىرتۇتاستىعى، بىرلەسكەن قۇرىلىس، ورتاق كۇشتەردىڭ جەمىسىن پايدالانۋ: «ءبىر بەلدەۋ، ءبىر جول» اياسىندا ب ا ق ىنتىماقتاستىعى. وعان «ءبىر بەلدەۋ، ءبىر جول» ماڭىندا ورنالاسقان 13 ەلدەن 20 مەديا قۇرىلىم وكىلدەرى قاتىسادى».

 شارا ءۇش پانەلدى پىكىرتالاس وتكىزۋدى كوزدەيدى: «جىبەك جولىنىڭ بىرلەسكەن قۇرىلىسى اياسىندا باق ىنتىماقتاستىعىنىڭ جاڭا مۇمكىندىكتەرى، سىن- تەگەۋرىندەرى»، «ب ا ق حالىقتاردىڭ ءوزارا تۇسىنىستىگىن قالاي نىعايتادى»، «ءبىر بەلدەۋ، ءبىر جول» قالالارىنىڭ ۇلگىلەرى»، حالىقارالىق ارەنادا مادەني بىلىمدەردى تاراتۋ».