بريتاندىق عالىمدار: فۋتبولشىلارعا باسپەن دوپ سوعۋ - زيان

استانا. قازاقپارات - باسپەن ويناۋ - زاماناۋي فۋتبولدىڭ اجىراماس ءبىر بولىگى جانە جاتتىعۋلار بارىسىندا فۋتبولشىلار ماقساتتى تۇردە پىسىقتايتىن تاسىلدەردىڭ ءبىرى.

 فۋتبولشىنىڭ باسپەن جاساعان بىرنەشە سوققىسىنىڭ ءوزى مي قىزمەتىن بۇزىپ، ەستە ساقتاۋ قابىلەتىن ناشارلاتادى، - دەپ سانايدى بريتاندىق عالىمدار.

 شوتلانديادا ستەرلينگ ۋنيۆەرسيتەتىنىڭ زەرتتەۋشىلەرى دوپتى باسپەن بىرىنەن سوڭ ءبىرىن 20 رەت ۇرعاننان كەيىن «فۋتبولشىنىڭ ميىندا ازداعان، ءبىراق اسا ماڭىزدى وزگەرىستەر» بايقالادى.

ماسەلەن، ەستە ساقتاۋ قابىلەتى تومەندەپ، ول بۇرىنعى قالپىنا تاۋلىك ىشىندە كەلەدى.

 EBioMedicine جۋرنالىندا جاريالانعان شوتلانديالىق عالىمداردىڭ زەرتتەۋى العاش رەت باسپەن دوپتى ۇرۋدىڭ مي جۇمىسىنا تىكەلەي اسەر ەتەتىنىن انىقتادى.

 «كۇللى الەم بويىنشا بۇل ويىندى وينايتىنداردىڭ سانىن ەسكەرسەك، ولار سپورتتىڭ بۇل ءتۇرى ميلارىنا قالاي اسەر ەتەتىنىن ويلاپ جۇرگەنى، سالدارىنىڭ قالاي بولاتىنىن بىلگەنى وتە ماڭىزدى»، - دەپ سانايدى دوكتور لەتسۆاارت.

ازىرگە زەرتتەۋشىلەر مۇنى زەردەلەۋمەن عانا شەكتەلدى. سوندىقتان تەرىس سالدارى قانشالىقتى ەكەنىن ايتۋ مۇمكىن ەمەس.

2015 -جىلدان باستاپ قۇراما شتاتتاردىڭ بالالار فۋتبول سەكسيالارىندا 10 جاسقا دەيىنگى جەتكىنشەكتەرگە باسپەن سوعىپ ويناۋعا تولىقتاي تىيىم بار.