قازاقستاندا ازاماتتىق قوعام ءۇشىن ادەپ كودەكسى ازىرلەنەدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى نۇرلان ەرىمبەتوۆ ايتتى، دەپ حابارلايدى قازاقپارات.
«قازىرگى ۋاقىتتا بىزدە ۇكىمەتتىك ەمەس ۇيىمداردىڭ ادەپ كودەكسىنىڭ جوباسى ازىرلەنۋدە. ەگەر ءبىز ونى ەرتەڭ قابىلدايتىن بولساق، وندا بۇل بارلىق ۇ ە ۇ- لەردىڭ جۇمىسى ءۇشىن قانداي دا ءبىر مىندەتتى شارت بولار ەدى. ءوزىڭدى قالاي ۇستاۋ كەرەك؟ ادامدارمەن قالاي سويلەسۋ قاجەت؟ باسشىمەن قالاي سويلەسكەن ءجون؟ مۇنىڭ بارلىعىنىڭ دا ءبىزدىڭ سالامىزدى بۇزبايتىنداي ادەبى بولۋى ءتيىس. ءبىز بۇگىنگى كۇنى كوپشىلىگىنە ءوزىن ناقتى ءارى دۇرىس ۇستاۋدى ۇيرەتكىمىز كەلەدى»، - دەدى ەرىمبەتوۆ.
ەستەرىڭىزگە سالا كەتەيىك، 25 -قاراشا كۇنى ەلوردادا قازاقستاننىڭ VII ازاماتتىق فورۋمى وتەدى. اتالعان القالى جيىندا اتالعان كودەكستى قابىلداۋ جوسپارلانعان. شاراعا ق ر پرەزيدەنتى اكىمشىلىگىنىڭ باسشىلىعى، ق ر پارلامەنتى دەپۋتاتتارى، ورتالىق جانە جەرگىلىكتى اتقارۋشى ورگانداردىڭ، وڭىرلىك جانە رەسپۋبليكالىق ۇ ە ۇ وكىلدەرى. شەتەلدىك ساراپشىلار مەن ديپلوماتيالىق ميسسيالاردىڭ باسشىلارى، ساراپشىلىق قوعام مەن ب ا ق وكىلدەرى قاتىساتىن بولادى.
ايتا كەتەرلىگى، فورۋم قارساڭىندا ەلىمىزدىڭ بارلىق وبلىس ورتالىقتارى مەن استانا جانە الماتى قالالارىندا وڭىرلىك فورۋمداي ۇيىمداستىرىلادى. وندا VII ازاماتتىق فورۋمعا قاتىساتىن دەلەگاتتار ىرىكتەلىپ، رەسپۋبليكالىق اۋقىمداعى القالى جيىندا ايتىلاتىن ۇسىنىستار سارالانادى.
اۆتور: ارمان اسقاروۆ
