جاس قىز تۇرعىن ءۇي قۇرىلىس جيناق بانكى ارقىلى جىلدام پاتەرگە يە بولۋدىڭ قۇپياسىمەن ءبولىستى
ءبىراق، بانكتىڭ باسقارما ءتوراعاسى ايباتىر جۇماعۇلوۆپەن كەزدەسۋ بارىسىندا باسقا قاتىسۋشىلارعا قاراعاندا سۇراقتى ەڭ كوپ قويعان وسى ارايلىم بولدى.
بۇل تۋرالى Stan.kz حابارلايدى.
«مەن بانك باسشىسىنا قويعان سۇراقتار باسقا ادامداردى دا مازالاۋى مۇمكىن، تەك ول ساۋالداردى ءبارى بىردەي قويا المايدى. مۇنداي سۇحباتتار باسقا دا سالىمشىلار ءۇشىن وتە ءتيىمدى ءارى پايدالى. ءيا، ءار ادام ءوزى ءۇشىن جاۋاپ بەرەدى عوي، دەگەنمەن دە كوكەيدە تۇرعان سۇراقتاردىڭ ءبارىن اشىق تۇردە بانك كەڭەسشىلەرىنەن سۇراۋ كەرەك. مىسالى، مىنە، كەيىن وكىنىپ قالماس ءۇشىن، باسقارما ءتوراعاسىنىڭ وزىنەن سۇراپ ءبىلۋدىڭ جولى ءتۇستى»، - دەيدى ارايلىم.
ول پاتەر الۋ ءۇشىن اقشانى قانشا ۋاقىت جيناعانى، وعان كىمدەردىڭ كومەكتەسكەنى تۋرالى دا ايتىپ ءوتتى.
«پاتەر كولەمى 100 شارشىداي بولادى. 8 ميلليون تەڭگەنىڭ نەگىزگى بولىگىن مەن تولەدىم (ارايلىم مۇنايگاز سالاسىندا قىزمەت اتقارادى). جانە پاتەر دە مەنىڭ اتىمدا. دەپوزيتتى 2014 -جىلى ءساۋىر ايىندا اشقانمىن. تۇرعىن ءۇي قۇرىلىس جيناق بانكىندە جيناعىم بولعاندىقتان، باسقا بانكىدەن كرەديت الۋدىڭ قاجەتى بولمادى: ارتىق اقشا تولەگىم كەلمەدى. ق ت ق ج ب- داعى كرەديت %8,5 - بۇل وتە جاقسى. ءۇش جىلدان كەيىن (ارايلىم ءالى جەتى جىل تولەيدى. - اۆت.) مولشەرلەمە تومەن بولادى، ياعني - %5. ماعان ق ت ق ج ب- داعى باللدىق جۇيە قاتتى ۇنادى. ەگەر ادام ۋاقىتىندا جانە ۇزبەي تولەم جاساپ وتىرسا، ول قالاعان نارسەسىن الۋىنا بولادى ەكەن. بۇل تۋرالى ءبارى بىلە بەرمەيدى.
ءۇيدىڭ نە كافەلى، نە لينولەۋمى، نە سانتەحنيكاسى، ەشتەڭەسى جوق. سول سەبەپتى دە ارزانعا ءتۇسىپ وتىر. بۇل ارايلىمعا دا، اتا- اناسىنا دا ۇناعان. ال تۇرعىن ءۇي قۇرىلىس جيناق بانكى تۋرالى ءاۋ باستا كورشىلەرىنەن كەزدەيسوق ەستىپ قالىپتى.
«كورشىلەرىم 7 جىل اقشا جينادى. سولاردان ەستىگەنىم. مەنىڭ بانككە سەنىمىم ەشقاشان بولعان ەمەس. ءبىر بانك كەڭەسشىسى مەنى ءبىر جىل بويىنا وزدەرىنە تارتۋعا تىرىستى. ال، كورشىلەرىم اسىقپاي، تۇرعىن ءۇي قۇرىلىس جيناق بانكى ارقىلى ارزان ۇيگە قول جەتكىزدى. %50 ىن جينادى دا، كرەديت الىپ، جاقسى پاتەر ساتىپ الدى. ەگەر ولار قۇنسىزدانۋعا قاراماستان 7 جىل ىشىندە ءۇي السا، ماعان دا نەگە الماسقا؟»، - دەيدى ول.
- بانكتىڭ سايتىنا كىرىپ كوردىڭ بە؟
- جوق. كورشىلەرىم قونىستويىنا شاقىردى، ۇيلەرىن كوردىم، باعاسى، تالاپتارى تۋرالى ءبىلىپ الدىم. مۇنىڭ جاقسى مۇمكىندىك ەكەنىن ءتۇسىندىم. دەپوزيت اشۋىما 10-اق مينۋت ۋاقىتىم كەتتى. ونىڭ ۇستىنە، ءسىزدىڭ ۇيىڭىزگە كەلە الاتىن موبيلدى كەڭەسشىلەر دە بار. كارتوچكام ارقىلى اقشا سالىپ وتىردىم. تولەم جاساۋ ءۇشىن بانككە بارۋدىڭ ەش قاجەتى جوق، جۇمىس ورنىمنان اق تولەپ وتىردىم.
- ق ت ق ج ب تۋرالى كورشىلەرىڭ بولماعاندا بىلمەس پە ەدىڭ؟
- ەستيتىنمىن. ءبىراق، ەگجەي- تەگجەيلى بىلگەم جوق. بالكىم، بانكتىڭ جارناماسى ءالسىز شىعار. كەيىن، كەيبىر ارىپتەستەرىمنىڭ دە وسى ق ت ق ج ب سالىمشىلارى ەكەنىن ءبىلدىم. مەنەن كەيىن ەكى قۇربىم دا وسى بانكتەن دەپويزتتەرىن ءوز شوتتارىن اشتى. مەن دە، ولار دا ءوزىمىز ءۇشىن تۇرعىن ءۇي الۋدىڭ ءتيىمدى جولىن تاڭدادىق دەپ ويلايمىن.
