زەينەتاقى سالىمدارىن مەرزىمىنەن بۇرىن الۋعا بولا ما
سەبەبى ولار اقشانى ەرىكتى تۇردە سالىپ وتىر، دەپ حابارلايدى قازاقپارات ءتىلشىسى.
«وسى ساناتتاعى ازاماتتار 50 جاسقا كەلگەندە زەينەتاقى سالىمدارىن مەرزىمىنەن بۇرىن الا الادى. دەگەنمەن، قازىرگى زەينەتاقى جۇيەسىنىڭ نەگىزگى ماقسات- مىندەتىن ۇمىتپاۋ كەرەك: ەل ازاماتتارى زەينەتاقىعا شىققاننان كەيىن قارجى جاعىنان قيىنشىلىق كورمەۋى ءتيىس. ەگەر زەينەتاقى سالىمدارىن مەرزىمىنەن بۇرىن الۋ مۇمكىندىگى بارلىق ادامدارعا بەرىلەتىن بولسا، ولاردىڭ بولاشاعى نە بولادى؟ وسىنى ويلاۋ قاجەت»، - دەدى «ب ج ز ق» ا ق ايماقتىق جەلىنى دامىتۋ دەپارتامەنتىنىڭ ديرەكتورى ناتاليا پاۆلوسكايا "NewTimes.kz" اگەنتتىگىنە بەرگەن سۇحباتىندا.
ونىڭ ايتۋىنشا، I جانە II توپتاعى مۇگەدەكتەر دە زەينەتاقى سالىمدارىن مەرزىمىنەن بۇرىن الا الادى. بۇدان بولەك، زەينەتاقى اننۋيتەتىن العان 50 جاستاعى ايەلدەر مەن 55 جاستاعى ەر ادامدارعا ول اقشانى پايدالانۋعا رۇقسات بار.
ايتا كەتەيىك، قازىرگى كەزدە ءبىرىڭعاي جيناقتاۋشى زەينەتاقى قورىندا سالىمداردى مەرزىمىنەن بۇرىن پايدالانۋ ماسەلەسى قارالىپ جاتىر. ول اقشاعا ەمدەلۋگە، نەسيەنى جابۋعا جانە تاعى باسقا شىعىندارعا جۇمساۋعا بولادى دەگەن ۇسىنىس بار. الايدا ساراپشىلاردىڭ سوزىنە قاراعاندا، زەينەتاقى جيناقتارىن بىردەن جۇمساپ تاستاسا، ەل ازاماتتارى زەينەتاقىسىز قالۋى ابدەن مۇمكىن. وعان قوسا، بۇگىندە كەيبىر جيناقتاردىڭ كولەمى نەسيەنى وتەۋگە دە جەتپەيدى. سوندىقتان ونى جۇمساۋ ەكونوميكالىق جاعىنان ءتيىمسىز بولىپ تۇر. بۇگىندە ماماندار وسىنىڭ بارلىعىن ەسەپتەپ، زەينەتاقى جيناقتارىن الدىن الا ەسەپ- شوتتان الۋ ماسەلەسىن جان- جاقتى زەردەلەنىپ جاتىر.
ايتا كەتەيىك، ب ج ز ق- ىندا 10,1 ميلليون زەينەتاقى سالىمدارى بار. سونىڭ باسىم بولىگى - 9,6 ميلليونى مىندەتتى زەينەتاقى سالىمدارىنىڭ ۇلەسىندە. قازىرگى كەزدە قازاقستاندىقتار سالعان جيناقتاردىڭ جالپى سومماسى 6,2 تريلليون تەڭگەنى قۇراپ وتىر.
