اتىراۋدا «ازاماتتار ءۇشىن ۇكىمەت» كورپوراتسياسىنىڭ تاعى ءبىر شەنەۋنىگى پارامەن ۇستالدى
بىرنەشە مارتە پارا العان شەنەۋنىكتى اتىراۋ وبلىسى بويىنشا جەمقورلىققا قارسى ءىس-قيمىل ۇلتتىق بيۋروسى دەپارتامەنتى قولعا تۇسىرگەن، دەپ حابارلايدى قازاقپارات.
ك. تەمىروۆتىڭ باعىنىشتى قىزمەتكەرلەرىن لاۋازىمعا تاعايىنداۋ جانە قىزمەت بارىسىندا جالپى قامقورلىق تانىتقانى ءۇشىن ۇنەمى پارا الىپ وتىرعانى انىقتالعان. ماسەلەن، يساتاي اۋداندىق بولىمشەسى جەتەكشىسى لاۋازىمىنا تاعايىنداۋ ءۇشىن 100 مىڭ تەڭگە، يندەر اۋداندىق بولىمشەسىنىڭ باس مامانى قىزمەتىنە تاعايىنداۋ ءۇشىن 50 مىڭ تەڭگە زاڭسىز سىياقى العان.
مۇنان بولەك، ول اتىراۋ قالاسىندا كەزەكتەن تىس جەكە تۇرعىن ءۇي قۇرىلىسىنا ارنالعان جەر تەلىمىن بەرگەنى ءۇشىن جالپى سوماسى 670 مىڭ تەڭگەدەن اساتىن ماتەريالدىق قۇندىلىق تۇرىندەگى پارانى دا العانى بەلگىلى.
قازىرگى ۋاقىتتا ك. تەمىروۆ ۇستالىپ، اتىراۋ قالالىق ءى ءى د ۋاقىتشا وقشاۋلاعىشىنا قامالدى. سوتقا دەيىنگى تەرگەۋ جۇرگىزىلۋدە.
