رەسەيدە بالاعا ەرەكشە ەسىم قويۋعا تىيىم سالىنباق

استانا. قازاقپارات - وتباسى، ايەلدەر مەن بالالار ماسەلەسى جونىندەگى ر ف مەملەكەتتىك دۋما كوميتەتى سانداردان، قىسقارعان جانە بالاعات سوزدەردەن تۇراتىن ەرەكشە ەسىمدەردى تىركەۋگە تىيىم سالادى.

سەناتور ۆالەنتينا پەترەنكو 1998 -جىلدان بەرى تىركەلگەن ەرەكشە ەسىمدەردىڭ ستاتيستيكاسىن كەلتىردى. ۇلدار يەلەنگەن ەڭ وزگەشە اتاۋلار: «نيكولاي- نيكيتا- نيل، حريستامريرادوس، دەلفين، ياروسلاۆ- ليۋتوبور، لۋكا- سچاستە ساممەرسەت وۋشەن بولعان. قىزدار اراسىندا: اپرەل، پولينا- پولينا، پرينتسەسسا دانيەللا، زاريا- زاريانيتسا، الەشا- كاپرينا، وكەانا، سوفيا- سولنىشكو» سىندى ەسىمدەر كەزىككەن.

سونىمەن بىرگە باستاما اۆتورى 10 جىلدان بەرى شەشىلمەي كەلە جاتقان ۇلدىڭ وقيعاسىن بايانداپ بەردى:

«ب و چ ر ۆ ف 260602 (بيولوگيالىق نىسان ءتۇرى ادام، ۆورونينادەر - فرولوۆتار تۇقىمىنان، 2002 -جىلدىڭ 26 -ماۋسىمىندا تۋىلعان) ءالى كۇنگە دەيىن قۇجاتسىز ءومىر ءسۇرىپ جاتىر. سەبەبى، ماسكەۋلىك ا ح ا ج ءسابيدىڭ مۇددەسىن قورعاۋ ماقساتىندا ونىڭ ەسىمىن تىركەۋگە الۋدان باس تارتقان. سوتتا ا ح ا ج قىزمەتكەرلەرىنىڭ پايداسىنا شەشىلدى. زاڭ جوباسىن قابىلداۋ كامەلەتكە تولماعان سابيلەردىڭ زاڭمەن قورعالاتىن مۇددەسى مەن كونستيتۋتسيالىق قۇقىقتارىن ءتيىمدى مەملەكەتتىك قورعاۋمەن قامتاماسىز ەتۋگە مۇمكىندىك بەرەدى»، - دەدى ۆالەنتينا پەترەنكو.

بۇگىندە ر ف زاڭناماسىندا اتا- انالاردى بالالاردىڭ مۇددەسى مەن قۇقىقتارىن بۇزبايتىن ەسىمدەردى عانا بەرۋگە مىندەتتەيتىن نورما جوق. سونداي-اق، ايقىن باسسىزدىقتاردا قانداي شارا قولدانۋ كەرەكتىگى دە زاڭدا كورسەتىلمەگەن. مۇنداي ەركىندىك كەيبىر ادامداردىڭ اتا- انالىق قۇقىقتارىن اسىرا پايدالانۋىنا اكەپ سوعادى.