قازاقستاننىڭ ۇلتتىق بانكىندە تەڭگەلىك سالىمدار ۇلعايدى

استانا. قازاقپارات - ەكونوميكادا تەڭگەمەن اكتيۆتەرگە سەنىمنىڭ قالپىنا كەلۋىنىڭ جانە دەپوزيتتەردىڭ دوللارلانۋى تومەندەۋىنىڭ وڭ ءۇردىسى بايقالادى.

بۇل جونىندە ق ر ۇلتتىق بانكىنىڭ ءتوراعاسى دانيار اقىشەۆ وسكەمەندە وتكەن «التاي Invest-2016» حالىقارالىق ينۆەستيتسيالىق فورۋمىندا ءمالىم ەتتى.

ۇلتتىق بانك باسشىسىنىڭ ايتۋىنشا، حالىقتىڭ جانە كاسىپورىنداردىڭ قانداي دا ءبىر ۆاليۋتاعا دەگەن باسىمدىق بەرۋى وزگەرىپ جاتىر، تەڭگەدەگى سالىمداردىڭ قارقىندى ءوسۋى بايقالادى. «بۇعان ۇلتتىق بانكتىڭ تەڭگەدەگى قۇرالداردىڭ تارتىمدىلىعىن ارتتىرۋ بويىنشا شارالارى سەبەپ بولدى» دەپ ءتۇسىندىردى ول.

قازاقستاندا 2016 -جىلعى اقپاننان باستاپ جەكە تۇلعالاردىڭ ۇلتتىق ۆاليۋتاداعى دەپوزيتتەرى بويىنشا ەڭ جوعارى مولشەرلەمەسى %10 دان %14 عا دەيىن ارتقانىن جانە شەتەل ۆاليۋتاسىنداعى دەپوزيتتەر بويىنشا مولشەرلەمەلەر %3 دان %2 عا دەيىن تومەندەگەنى بەلگىلى.