ءانشى ەربولات بەدەلحان: «جۇلدىز» اۋرۋى قازاقستاندا عانا بار
«جىگىتتەردىڭ ويلاۋ قابىلەتى باستاپقىدا وزگەشە بولدى. ەربولاتقا جولىققاننان كەيىن بەلگىلى ءبىر ۋاقىتتىڭ، 2-3 اي نەمەسە 1 جىلدىڭ ىشىندە يدەولوگيالىق تۇرعىدا جۇمىس جۇرگەن سياقتى. مۇنداي يدەولوگيالىق جۇمىس جۇرگىزۋدى قايدان ۇيرەندىڭىز جانە سىزگە كىم ۇيرەتتى؟»، - دەپ سۇرادى باعدارلاما جۇرگىزۋشىسى توپ پروديۋسەرىنەن.
«يدەولوگيالىق جۇمىس دەپ ايتا المايمىن، بۇل جەردە تاربيەلىك جۇمىستار بولدى. ءارتىس رەتىندە سەن كىمسىڭ، ءوزىڭدى قاي دەڭگەيدە سانايسىڭ دەگەن سياقتى. بىزدە جۇلدىز اۋرۋى دەگەن بار. نەگىزىندە شەتەلدە جۇلدىز اۋرۋى دەگەن جوق. بۇل ۇعىم تەك قازاقستاندا عانا بار. وسىنىڭ ءبارىن بالالارعا تۇسىندىرەمىن»، - دەدى ول.
سونىمەن قاتار ول Ninety One توبى تەك قازاقستانمەن عانا شەكتەلمەي الەمدىك دەڭگەيدە ونەر كورسەتۋىنە جۇمىس ىستەيتىندىگىن باسا ايتتى.
«مەنىڭ ماقساتىم - قازاق ونەرىن ەكسپورتتاۋ. كەزىندە «وردا» توبى كوستيۋم- شالبارمەن كراسسوۆكي، كەدي كيىپ شىققاندا دا وسىنداي اڭگىمە بولدى. بىزدەن ۇلكەن اعا-اپارىمىز كوپ سىن ايتقان»، - دەدى توپ پروديۋسەرى.
اۆتور: مارلان جيەمباي
