قازاقستان باسقا ەلدەردىڭ تاپسىرىسى بويىنشا باعالى مەتالداردان مونەتالار دايىندايدى
- دەپ حابارلايدى Tengrinews.kz ءتىلشىسى بانكتىڭ باسپا ءسوز قىزمەتىنە سىلتەمە جاساپ.
اقىشيەۆ قازاقستان تەڭگە سارايىنىڭ مونەتالاردى دايىنداۋدىڭ تولىق وندىرىستىك سيكلى قوسىلعان جوعارى تەحنولوگيالىق جابدىعى بار كاسىپورىن رەتىندەگى بىرەگەيلىگىن اتاپ ءوتتى.
«مەتالل وڭدەۋ جانە زاماناۋي مونەتالار مەن قورعالعان ءونىمدى ءوندىرۋ سالاسىندا بىرەگەي بىلىكتىلىگى بار قىزمەتكەرلەر قالىپتاسقان. بۇدان باسقا، ۇجىمنىڭ بىرلىگى، كاسىبي داستۇرلەردىڭ ساباقتاستىعى ساقتالىپ وتىر جانە كەيىنگى قىزمەتكەرلەرگە باعا جەتپەس تاجىريبەنى بەرۋ ماقساتىندا كادرلار دايىنداۋ جۇيەسى رەتكە كەلتىرىلگەن»، - دەدى قازاقستان ۇلتتىق بانكىنىڭ باسشىسى.
ونىڭ ايتۋى بويىنشا، ءونىمنىڭ ساپاسى مەن قىزمەتكەرلەردىڭ بىلىكتىلىگى قازاقستان تەڭگە سارايىن جوعارى تەحنولوگيالى جانە باسەكەگە قابىلەتتى، ونىڭ ىشىندە ەكسپورتقا باعدارلانعان كاسىپورىن رەتىندە تانۋعا مۇمكىندىك بەرەدى.
«ەكسپورتتىق قىزمەتتەر قىرعىزستان، تاجىكستان جانە بەلارۋس سياقتى ەلدەرگە كورسەتىلەدى. سونداي- اق، گەرمانيا مەن پولشا كومپانيالارىنىڭ تاپسىرىستارى بويىنشا باعالى مەتالداردان ۇلتتىق ۆاليۋتانىڭ مونەتالارى دايىندالادى»، - دەپ حابارلادى اقىشيەۆ.
