ساراپشىلار: سالافيزم - الەمگە قاۋىپ ءتوندىرىپ وتىرعان جات اعىم

استانا. قازاقپارات - سالافيزم جات اعىم، ونىڭ قاۋىپتىلىگى سونشالىق، قوعامدا قاتىگەزدىك تۋدىرىپ، ۇلتتىق قۇندىلىقتارعا قارسى كەلەدى.

 سوندىقتان اعارتۋشىلىق باعىتتا عىلىمي ينستيتۋت اشىلۋى ءتيىس. يسلام تانۋشى قازاقستاندىق عالىمداردىڭ پىكىرى وسىنداي. ايتا كەتكەن ءجون، ەلىمىزدە سالافيزمگە قارسى جاڭا زاڭ جوباسى دا ازىرلەندى.

 قايرات جولدىباي ۇلى، يسلامتانۋشى عالىم:

 - وسى ۋاقىتقا دەيىن سالافيزمگە ونداي اتاۋ بەرىلگەن جوق بولاتىن. قاۋىپتى اعىم دەپ ايتىلعان جوق بولاتىن. ەڭ الدىمەن ەلباسىمىز، سوسىن ءمينيسترىمىز اتىن اتاپ، ءتۇسىن تۇستەپ تۇرىپ ايتتى. قازىر دايىندالىپ جاتقان زاڭدا ۋاعىز ناسيحاتتارىنا، ادەبيەتتەرىنە، ۋاعىزشىلارىنا تىيىم سالىنادى دەدى. بۇل مەنىڭشە، ۇلكەن جەتىستىك. زاڭنىڭ وسى تارماعى قاداعالاناتىن بولسا، سالافيزمگە اجەپتەۋىر توسقاۋىل بولاتىن ەدى.

www.24.kz