قوستانايدا ۇيىمداسقان قىلمىستىق توپ جەتەكشىسى سىبايلاستارىن ۋ بەرىپ ءولتىرىپ كەلگەن
Аlau.kz حابارلاعانداي، اتالمىش قىلمىستىق توپ 226 كاسىپكەرلىك سۋبەكتىسىنە قاتىستى سالىق تولەمدەرىنەن جالتارۋ ماقساتىندا 7 جالعان كاسىپورىن قۇرعان. كەلتىرىلگەن شىعىن 2 ميللياردتان استام تەڭگەنى قۇرادى. كاسىپورىندار قوستاناي وبلىسى جانە استانا مەن الماتى قالالارىندا جالعان تۇلعالاردىڭ اتىنا تىركەلگەن.
«كەيىننەن، وزدەرىنىڭ قىلمىستىق ىزدەرىن جاسىرۋ ءۇشىن تۇلەكوۆ ءوزىنىڭ سىبايلاستارىنىڭ ءبىرىن ءولتىرىپ، ەكىنشىسىن ولتىرەمىن دەپ قورقىتقان. تۇلەكوۆ ولارعا ەسىرتكى سالامىن، دەگەن جەلەۋمەن ۋلى زاتتى ەگىپ كەلگەن»، - دەپ اتاپ وتەدى قوستاناي وبلىستىق پروكۋراتۋراسىنىڭ باسپا ءسوز قىزمەتى.
جوعارىدا اتالعان توپتىڭ قىلمىستىق ارەكەتى ق ك 4-بابى بويىنشا جىكتەلدى. وندا ءومىر بويىنا باس بوستاندىعىنان ايىرۋ تۇرىندەگى جازا دا قولدانىلۋى مۇمكىن. تەرگەۋ بارىسى وبلىس پروكۋراتۋراسىنىڭ پروتسەسسۋالدى پروكۋرورىنىڭ باقىلاۋىندا بولدى. بارلىق تەرگەۋ ارەكەتتەرى قاتاڭ تۇردە زاڭعا سايكەس جۇرگىزىلدى.
