التىنبەك قورازبايەۆ باكۋدا ءوز شىعارماشىلىعىن تانىستىردى
دەپ حابارلايدى قازاقپارات.
جۇزدەسۋگە «قازاقستان- ازەربايجان» دوستىق قوعامىنىڭ بەلسەندى مۇشەلەرى، باكۋ قالاسىندا ءبىلىم الاتىن قازاقستاندىق ستۋدەنتتەر، بيزنەس- قاۋىمداستىق وكىلدەرى جانە اتالمىش ەلدە تۇراتىن وتانداستارىمىز قاتىستى.
ا. قورازبايەۆ قازاق جانە ازەربايجان حالىقتارىن بايىرعى دوستىق جانە تۋىستىق قاتىناستار بايلانىستىراتىنىن اتاپ ءوتتى. ونىڭ تۋعان اۋىلىندا اتالمىش ۇلتتىڭ وكىلدەرى كوپ، ەكى حالىق قاشان دا تاتۋ- ءتاتتى ءومىر سۇرگەن جانە ۇلتتىق ەرەكشەلىكتەر بويىنشا ەشقاشان بولىنبەگەن.
كومپوزيتور ديپلوماتيالىق وكىلدىككە جينالعان قوناقتارعا ءوزىنىڭ تانىمال تۋىندىلارىن ورىنداپ، ولاردىڭ شىعۋ تاريحىن اڭگىمەلەدى.
گەيدار اليەۆ اتىنداعى «قازاقستان- ازەربايجان» دوستىق قوعامى 1993 - جىلى قۇرىلدى. ونىڭ قۇرامىنا ازەربايجان رەسپۋبليكاسىنىڭ بەلدى قوعام قايراتكەرلەرى، ازەربايجان مەن قازاقستاننىڭ ەڭبەك سىڭىرگەن مادەنيەت، ونەر، عىلىم قايراتكەرلەرى مەن بيزنەس- قوعامداستىق وكىلدەرى ەندى.
