ەرتەڭ استانادا قارجىلىق تەرگەۋ جانە ۇرلانعان اكتيۆتەردى قايتارۋ جونىندەگى سەمينار باستالادى
دەپ حابارلايدى قازاقپارات ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.
سەمينارعا ق ر باس پروكۋرورىنىڭ ورىنباسارى اندرەي كراۆچەنكو، ق ر باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ رەكتورى ۇلان بايجانوۆ، ا ق ش مەملەكەتتىك حاتشىسىنىڭ حالىقارالىق ەسىرتكىگە قارسى كۇرەس جانە زاڭدىلىقتى ساقتاۋ ماسەلەلەرى جونىندەگى كومەكشىسى ۋيليام براۋنفيلد، ا ق ش- تىڭ قازاقستانداعى ەلشىسى دجوردج كرول، ب ۇ ۇ ەسىرتكىمەن جانە قىلمىستىلىقپەن كۇرەس بويىنشا باسقارماسىنىڭ ءبولىم باسشىسى (ب ۇ ۇ ە ق ب، ۆەنا) توفيك مۋرشۋدلۋ، ە ق ى ۇ- نىڭ استاناداعى باعدارلامالار كەڭسەسىنىڭ ساياسي ماسەلەلەر جونىندەگى وفيتسەرى كولين ماككاللاۋ، سونىمەن قاتار قازاقستاندىق اناليتيكتەر، تەرگەۋشىلەر، پروكۋرورلار جانە قارجىلىق قىلمىستار، سونداي- اق ۇرلانعان اكتيۆتەردى قايتارۋ بويىنشا تەرگەۋمەن جانە سوت قۋدالاۋىمەن اينالىساتىن سۋديالار قاتىسادى.
سەمينار قاداعالاۋ، تىيىم سالۋ جانە ۇرلانعان اكتيۆتەردى قايتارۋ مۇمكىندىكتەرىن ارتتىرۋ ءۇشىن باسقا ەلدەردىڭ قۇزىرەتتى ورگاندارىمەن ۆەدومستۆوارالىق تا، حالىقارالىق تا ىنتىماقتاستىقتى دامىتۋعا باعىتتالعان.
سەمينار ب ۇ ۇ ە ق ب قارجىلىق تەرگەۋ جانە ۇرلانعان اكتيۆتەردى قايتارۋ جونىندەگى جوبا جانە ا ق ش- تىڭ ق ر- داعى ەلشىلىگى اياسىندا وتكىزىلەدى. جوبانىڭ باس سەرىكتەستەرى ق ر باس پروكۋراتۋراسى جانە باس پروكۋراتۋرا جانىنداعى قۇقىق قورعاۋ ورگاندارىنىڭ اكادەمياسى بولىپ تابىلادى.
