ادامدى ازاپتاۋ نەمەسە «دالاداعى تامۇق» - فوتو
تاريحشىلار كارلاگتى ستاليندىك قۋعىن- سۇرگىننىڭ ازالى تاريحى دەپ باعالايدى. ءتىپتى، ونى «دالاداعى تامۇق» دەپ تە اتايدى. كارلاگتا بولعانىمىزدا بۇعان كوزىمىز جەتتى.. .
ءبىزدى تەبىرەنتكەن ءتۇس - قوي باعىپ ءجۇرىپ، ونىڭ ەكى- ۇشەۋىن قاسقىرعا جەگىزىپ العانى ءۇشىن قازاق ايەلدەرىنىڭ كوپشىلىكتىڭ كوزىنشە اتىلۋى. قويدىڭ قۇنى ادامنان جوعارى بولعانى عوي.. .
تەگىن جۇمىس ىستەگەن تۇتقىندار اراسىندا قاراپايىم ادامنان باستاپ، ءارتۇرلى سالاداعى الەمنىڭ ايگىلى تۇلعالارىنا دەيىن بار. كەيبىر تاريحشىلار تۇتقىنداردىڭ 90 پايىزعا جۋىعى قازاقتار بولعان دەسەدى. تاريحي دەرەكتەردە 1932 -جىلى كارلاگتا 22 مىڭ ادام تىركەلگەنى ايتىلادى.
تۇجىرىمداپ، تۋرا تۇسىن ايتقاندا، پەندەنى ادام ايتقىسىز جابىرلەۋدىڭ ءتۇرلى « ءادىسىن» كوزبەن كورگەندە كوڭىلىمىز كوپكە دەيىن تىنشىمادى. ادامعا ايۋان شابۋىل جاساسا - تۇك ەمەس. ادامعا ادام زۇلىمدىق جاساسا - ناعىز قورلىق دەگەن وسى ەكەن.
لۇقمان حاكىم: «مەن ادەپتىلىكتى ادەپسىز ادامداردان ۇيرەندىم» ، - دەپتى. بىزگە دە بۇدان الار ساباق بار: كىسىنىڭ جامان ىسىنەن جەرىپ، جاقسىلىققا ۇمتىلۋ. تاريحتان - تاعىلىم دەگەن وسى بولار.. .
اعابەك قونارباي ۇلى، ق م د ب باسپا ءسوز حاتشىسى
muslim.kz
