ا ق ش- تا ءدىن قىزمەتكەرى ادام ولتىرگەنىن مويىندادى
ءىستىڭ ەگجەي-تەگجەيىن 21 -قازاندا TWC News تەلەارناسى حابارلادى.
تيففاني يرۆين اتالعان ازاماتقا شابۋىلداعاندىعىن جانە ابايسىزدا ولتىرگەندىگىن مويىندادى. وسى ءۇشىن وعان بارلىعى 12 جىل كەسىلدى.
2015 -جىلدىڭ 11 -قازانىندا بولعان قىلمىسقا توعىز ادامنىڭ قاتىسى بار ەكەندىگى ايتىلدى. ونىڭ ىشىندە قۇربان بولعان ازاماتتىڭ اكەسى، اناسى جانە وگەي اپكەسى بار. بۇدان بۇرىن وسى ىسكە قاتىستى ارەكەتتەرىن بەس ادام مويىنداعان.
ءىز كەسۋشىلەردىڭ انىقتاعانىنداي، لۋكاس پەن ونىڭ 17 جاستاعى ءىنىسى كريستوفەردى شىركەۋدە ون ساعاتتاي سوققىنىڭ استىنا العان. ولار وسىلايشا، جاس جىگىتتى تاۋبەسىنە كەلتىرمەك بولعان. سونىڭ سالدارىنان لۋكاس مەرت بولدى، كريستوفەر اۋىر جاراقاتتارمەن اۋرۋحاناعا تۇسكەن.
تەرگەۋ مالىمەتتەرى بويىنشا، پاستور بۇل ارەكەتتەرگە قاتىسپاعان، تەك سىرتتاي باقىلاپ تۇرعان.
سوت يۋتيكا قالاسىندا ءوتىپ جاتىر. بولعان جاعداي ا ق ش- تا اتىشۋلى وقيعاعا اينالدى. وسى قىلمىسقا قاتىسى بار بەس ادامعا ۇكىم جەلتوقساندا، قاڭتاردا شىعادى دەپ كۇتىلۋدە.
